نوێترین
100 كه‌سایه‌تی داوا ده‌كه‌ن كه‌یسی 16ی ئۆكتۆبه‌ر ببرێته‌ دادگا   |    سوپای عێراق چه‌ند شوێنه‌وارێكی كه‌ركوك ده‌كاته‌ شوێنی مانه‌وه‌ی سه‌ربازه‌كانی   |    حوكمی حه‌وت ساڵ زیندانی بۆ سێ كارمه‌ندی تاپۆ له‌ كه‌ركوك ده‌رده‌كرێت   |    (45) هه‌زار منداڵ له‌ژێر ركێفی داعش له‌دایكبوونه‌   |    یه‌كه‌مین وه‌زیری حكومه‌تی هه‌رێم له‌دوای 16ی ئۆكتۆبه‌ره‌وه‌ سه‌ردانی كه‌ركوكی كرد    |    به‌به‌شداری سلێمانی فێستیڤاڵی ڕاگه‌یاندنی كوردی له‌ سنه‌ به‌ڕێوه‌چوو   |    (45) هه‌زار منداڵ له‌ژێر ركێفی داعش له‌دایكبوونه‌   |    لیژنه‌ی كشتوكاڵ: رێگری له‌ هاورده‌كردنی ئه‌و به‌رهه‌مانه‌ ناكه‌ین كه‌ له‌ناوخۆ به‌رهه‌مناهێنرێن   |    په‌رله‌مان كار بۆ به‌رزكردنه‌وه‌ی مووچه‌ی كرێكاران ده‌كات   |    لیژنه‌ی خزمه‌تگوزاری داواده‌كات فۆرمی خۆراك نه‌مێنێت و هاوڵاتیان له‌جێی قه‌ره‌بوو بكرێنه‌وه‌   |   
كوردی  |   عربي
وتار
رەشەبایەك بەسەر خۆرهەڵاتی ناوەڕاستەوە

هه‌وراز شوانی

ناونیشانی كتێبێكه‌ له‌ كۆتایی په‌نجاكانی سه‌ده‌ی رابردوو له‌لایه‌ن نه‌زیر فه‌سنه‌ره‌وه‌ نوسراوه‌، نه‌زیر رۆژنامه‌نوسێكی سوری بوو له‌ تاران كاری ده‌كردو به‌ هۆی پیشه‌كه‌یه‌وه‌ په‌یوه‌ندییه‌كی باشی له‌گه‌ڵ كه‌سایه‌تییه‌ بڕیار به‌ده‌سته‌كانی ئێرانه‌وه‌ هه‌بوو.
نه‌زیر ده‌ڵێت:" ته‌نها یه‌ك هه‌فته‌ به‌ر له‌ روودانی كوده‌تای 14ی ته‌مموزی 1958 له‌ عێراق، ژه‌نه‌ڕاڵ ته‌یمور به‌ختیار (1914-1970) كه‌ ئه‌وكات به‌ڕێوه‌به‌ری ده‌زگای هه‌واڵگری نهێنی ئێران(سافاك) بوو، بۆ نوسینگه‌ی خۆی بانگی كردم و وتی:ئه‌ركێكی نهێنی و به‌ په‌له‌ت له‌ پێشه‌، هه‌ر سبه‌ینێ ده‌ڕۆی بۆ ئه‌سته‌نبوڵ و له‌گه‌ڵ گه‌یشتنت بۆ فڕۆكه‌خانه‌ ئه‌ندامانی كونسوڵخانه‌ی ئێران دێن و یه‌كسه‌ر ده‌چیته‌ لای عه‌بدولئیلا جێگری شاو خاڵی شا فه‌یسه‌ڵی دووه‌م، له‌و رۆژانه‌دا به‌ گه‌شتوگوزارله‌ توركیا بوو، به‌ناوی منه‌وه‌ پێی راده‌گه‌ینی به‌ هیچ جۆرێك ناگه‌ڕێته‌وه‌بۆ به‌غداو ده‌بێ یه‌كسه‌ر په‌یوه‌ندی به‌ شا فه‌یسه‌ڵه‌وه‌ بكات و ئه‌ویش به‌ زووترین كات عێراق به‌جێبهێڵێت، چونكه‌ به‌ دڵنیاییه‌وه‌ له‌م رۆژانه‌دا كوده‌تایه‌كی سه‌ربازی له‌ عێراق رووده‌دات.
نه‌زیر باسی كاردانه‌وه‌و توڕه‌یی عه‌بدولئیلا ده‌كات و ده‌ڵێت: پێی وتم با به‌ختیار ئاگاداری بارودۆخی ئێران بێت و ئامۆژگاری ئێمه‌ نه‌كات.
ئه‌و ره‌شه‌بایه‌ی نه‌زیر باسی ده‌كات كوده‌تای 14ی ته‌مموزی عێراق و دواتریش هه‌ندێك كوده‌تای سه‌ربازی دیكه‌ كه‌ هه‌ندێ وڵاتانی عه‌ره‌بی گرته‌وه‌ كه‌ سیستمی سیاسی ئه‌و وڵاتانه‌و ته‌وه‌ربه‌ندییه‌ ئیقلیمییه‌كانیشی گۆڕی بۆ نموونه‌ عێراق له‌ به‌هاری 1959 ده‌رچوونی له‌ په‌یمانی به‌غدا راگه‌یاند، به‌ڵام ره‌شه‌باكه‌ی ناوه‌ڕاستی سه‌ده‌ی رابردوو سنوری وڵاتانی نه‌گۆڕی، نه‌خشه‌ی سایكس پیكۆ وه‌كو خۆی مایه‌وه‌، ئه‌وه‌ش كه‌ روویدا جگه‌ له‌ نه‌هامه‌تی و ماڵوێرانی و ده‌سه‌ڵاتی دیكتاتۆری ره‌ها هیچی تری لێ نه‌كه‌وته‌وه‌.
ئه‌ی ده‌بێ ئاینده‌ی سنوره‌ ده‌ستكرده‌كانی وڵاتانی خۆرهه‌ڵاتی ناوه‌ڕاست چی لێبێت له‌ ئه‌نجامی ئه‌و ره‌شه‌بایه‌ی چه‌ند ساڵێكه‌ وڵاتانی ناوچه‌كه‌ی گرتۆته‌وه‌؟
دوای سه‌رهه‌ڵدانی ئه‌وه‌ی ناونرا به‌هاری عه‌ره‌بی كه‌ دواتر له‌ سوریا كۆتاییهات، زۆر كه‌سی ساویلكه‌ له‌و باوه‌ڕه‌دابوون ئه‌مه‌ شۆڕش و راپه‌ڕینی گه‌لانه‌ دژی سیستمه‌ دیكتاتۆرو گه‌نده‌ڵكاران!به‌ڵام هه‌ر زوو زۆر له‌ چاودێران ئه‌و رووداوه‌یان به‌ سه‌ره‌تایه‌ك بۆ داڕشتنه‌وه‌ی نه‌خشه‌ی ناوچه‌كه‌ خوێنده‌وه‌.
سه‌باره‌ت به‌ كوردو ره‌شه‌باكه‌ تائێستا به‌سه‌ر عێراق و سوریاوه‌یه‌و به‌دوور نازانرێ قۆناغی یه‌كه‌می داڕشتنه‌وه‌ی نه‌خشه‌ی ناوچه‌كه‌ له‌و دوو وڵاته‌وه‌ ده‌ستپێبكات و له‌ قۆناغه‌كانی داهاتووشدا وڵاتانی دیكه‌ بگرێته‌وه‌.
هێنری كیسنجه‌ر دیپلۆماتی ناسراوو وه‌زیری ده‌ره‌وه‌ی ئه‌مریكا له‌ حه‌فتاكانی سه‌ده‌ی رابردوو، له‌ دوا كتێبی خۆیدا (سیستمی جیهان) ده‌ڵێت:( ئێستا ئیداره‌یه‌كی كوردی له‌ باكوری سوریا هه‌یه‌، مه‌به‌ستی كانتۆنه‌كانی خۆرئاوایه‌، به‌ تێپه‌ڕبوونی كات ئه‌و ئیداره‌یه‌ له‌گه‌ڵ ئیداره‌ی سه‌ربه‌خۆی باكوری عێراقدا یه‌كده‌گرنه‌وه‌).
پێشهات و رووداوه‌ گه‌رمه‌كانی ئه‌م دواییه‌ی عێراق و سوریا و هاتنی هێزه‌كانی ئه‌مریكا بۆ كه‌ركوك ئاماژه‌ن به‌وه‌ی ره‌وتی رووداوه‌كان به‌ره‌و قۆناغی كۆتایی هه‌نگاو ده‌نێن و ئه‌مریكاش له‌ ساڵی (2003)ـه‌وه‌ به‌م سه‌نگه‌وه‌ هاتۆته‌ عێراق و دواتریش سوریا، بێگومان ستراتیژێكی درێژخایه‌نی هه‌یه‌، خۆرهه‌ڵاتی ناوه‌ڕاستیش به‌ره‌و ته‌وه‌ربه‌ندی و هاوپه‌یمانی تازه‌و دژ به‌یه‌ك  ئاراسته‌ ده‌كرێ و دیمه‌نی ئابڵوقه‌ی (به‌رلین)ـی ساڵی (1949) مان پیشان ده‌دات، ره‌نگه‌ خه‌ڵكێكی زۆرتر ببنه‌ قوربانی، به‌ڵام ده‌وڵه‌ته‌ نامێژووییه‌كانی ناوچه‌كه‌ش بێ زیان لێی ده‌رباز نابن.
پرسیاری گرنگیش ئه‌وه‌یه‌ ئایا هێزه‌ سیاسییه‌كانی كورد له‌ باشوری كوردستان له‌ ئاست ئه‌م قۆناغه‌ هه‌ستیاره‌و به‌رپرسیارێتی مێژوویی دان؟
به‌ خوێندنه‌وه‌ی ئه‌زمونی سێ ده‌هه‌ی ده‌سه‌ڵات و سیاسه‌ته‌كانی حزبه‌كانی باشور، به‌داخه‌وه‌ وه‌ڵامه‌كه‌ (نه‌خێر)ـه‌، به‌ڵام با ره‌شبینیش نه‌بین چونكه‌ ئه‌جێنداو پرۆژه‌ی زلهێزه‌كان له‌ مه‌رام و به‌رژه‌وه‌ندییه‌ تایبه‌ته‌كان گه‌وره‌تره‌.

‌ 822 جار بینراوه‌
27/01/2019
Print Friendly and PDF
بابەتەکانی تری نوسەر
Telerik
بورهان حاجی سلێمان
شوان داودی - گۆشه‌ی له‌ژێ چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved