وتار
با ئیتر حیزبەكان یەك چانسیان هەبێت

ئەردەلان رەفیق



ئەمەوێت لەم وتارەمدا ئەوە بڵێم كە گرنگە حیزبەكان هەمیشە چانسیان هەبێت یان ڕونتر بڵێم بەختیان هەبێت بۆ ئەوەی خۆیان نەجات بدەن لە تەنگژەكان و ڕوداوە جیا جیاكان، چونكە زیرەكی و بوێری بەس نییە بۆ ڕازیكردنی چوار دەورەكەیان دەبێت چەندین بیانووی جیاجیا و حیواریان هەبێت بۆ خۆدزینەوەو پەردەپۆشكردنی كەمتەرخەمییان لەبەرامبەر میللەت و گەلەكەیان، چونكە ئەوان خۆیان بە خاوەنی هەمووشتێك ئەزانن لەكاتێكدا كە خۆیان بە خاوەنی هەموو شتێك ئەزانن دەبێ لەئاست چاوەڕوانی و لە ئاست دڵسۆزی میللەتەكەیان بن بۆ ئەم دۆخەی ئێستا كە میللەتی كورد بەدەستیەوە دەناڵێنێ، جگە لەكەسە گەورەو دەست ڕۆیشتوەكان ئەویش قەیرانی دارایییە .
بۆیە دەمێكە گەلی كورد خۆی گرتوەو خۆڕاگر بووە بەرامبەر ئەو قەیرانەو لەكاتێكدا تا ئێستاش حیزبەكان بەردەوامن لە ململانێ سیاسیەكانیان و دانیشتنیان بەرامبەر یەكتر لە كەناڵە جیاجیاكان و قسەی باق و بریق و كۆبوونەوە بێ نەتیجەكان .
ئەمانەش لەكاتێكدایە كە هەموو چینوتوێژەكان دەناڵێنن بەدەم ئەو قەیرانەوە و چاویان لە دەم و قسەیەكی خۆشی حیزبەكانە، بۆیە من دەڵێم بۆئەوەی گەلی كورد بۆ ئەوەی میللەت چیتر بۆ بێ پارەیی و بێ وەزعی و بێ موچەیی نەناڵێنێ و بیر لەشۆڕش نەكاتەوە دژی حیزبەكان، پێویستە حیزبەكان ئەم جارە بوێرانەتر بڕیار بدەن و بەرژەوەندی تایبەتی خۆیان وەلاوە بنێن و كوردستان نەبێتە مەیدانی ململانێی سیاسەت و ناتەبایی و نەبێتە هۆی رێگەخۆشكردن بۆ وڵاتانی بیانی بۆ ئەوەی بە بیانووی چارەسەركردنی كێشەكانی كورد كێشەی كورد قوڵتر نەبێت و هەر حیزبەو نەچێتە پاڵ وڵاتێكی بێگانە و با كوردستان لەو ئاوە لێڵە بێنینە دەرەوەو دەستی خۆمان ماچ بكەین نەك هی وڵاتی بێگانە.

‌ 404 جار بینراوه‌
13/05/2017
Print Friendly and PDF
بابەتەکانی تری نوسەر
Telerik
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved