وتار
دەوڵەت بە هەرەمەکی...!!

مستەفا شێخ محەمەد

یەکێک لە بناماکانی کاروباری گشتی هەر ووڵاتێک بریتیە لە زانینی ژمارەی دانیشتوان، لە ڕێگای ئەنجامدانی سەر ژمێری، بەڵام تا ئێستا لە هەرێمی کوردستان سەرژمێری نیە...!
واتا تۆ ئەگەر بتەوێت هەر شتێک بکەیت لەو هەرێمە، ناتوانی بیکەیت، چونکە نازانرێت چەند کەس لەم ووڵاتە دەژیێت، نازانرێت چەند لە سەدی گەنجە، چەند لە سەدی منداڵە، نازانی چەند کەس توانای ئیش کردنی هەیە، نازانی چەند لەو کەسانە دەتوانن کار بکەن، نازانرێت تۆ دەتوانی هێزی کاری خۆت لە چ کەرتێک بەکار بێنی، ناتوانی بزانیت لە چەند ساڵی داهاتوو دەتوانی چەند هێزی کار پێش بخەیت. 
نەبونی سەر ژمێری بۆ ئەوە دەگەرێتەوە کە دەسەڵاتداران وویستویانە هەموو شتێک بە نارونی بێڵنەوە، بۆ ئەوەی پرۆژە ناشەرعیەکانیان لە کۆنتڕۆڵکردنی کۆمەڵگا بۆ فەرهودکردنی سامانی گشتی لە تاریکی دا بهێڵنەوە. 
لە دنیادا هیچ دەوڵەتێک نیە نەزانێت خاوەنی چەند هێزی مرۆییە... دەوڵەتێک نادۆزیتەوە، پرۆگرامی چەند ساڵی داهاتوی نەبێت بە پلانی جێگرەوە، بەڵام هەرێمی کوردستان دەوڵەتێکی هەرەمەکی عەشائیریە تا کاتیش تێدەپەرێت خۆی لە بنەما دەوڵەتیەکان دەتکێنێت و دەیەوێت بۆکۆمیۆنی سەرتایی خێڵگەرایی هەرە دواکەوتوو بگەرێتەوە. 
ئەم خواستە خێڵگەراییە رۆژ بەرۆژ زیاتر پێش دەخرێت و پێوەر و دەسکەوتە گەردونیەکانی مرۆڤایەتی بە جەستەی خێڵگەرایی نامۆن و نایانەوێت قبوڵیان بکات. 
تا ئەم ئەقڵیەتە چەمک و بنەما خێڵگەرایانە، کە میللەتان سەدان ساڵە ماڵ ئاوایان لێکردون و فرێیان داونەتە ئەرشیفەوە لە کوردستان بەرکارببرێن، چاوەروانی گۆرانی ئیجابی مەکە، بە پێچەوانەوە چاوەروانی ئەوە بە ڕۆژ بەرۆژ بۆ دواوە بگەرێینەوە، رۆژ بەرۆژ لە بن جەوری خێڵگەرایی بچەوسێیتەوە. 
تۆ دەزانی ئەم ووڵاتەکەت کە دەوڵەتی هەرەمەکی خێڵی لە سەر بنیات نراوە، بەراورد بە دەوڵەت و میللەتانی ناوچەکە لە هەموو روێک دەوڵەمەندترینە، لە عەربستانی سعودیە بۆ ئیمارات بۆ تورکیا بۆ ووڵاتانی ئاسیا و ئەوروپا بڕۆ، هیچ کامێکیان خاوەنی ئەو تایبەت مەندیانە نین کە کوردستان هەیەتی، بەڵام ئەوان خاوەنی دەوڵەت و رژێمێکن کە یاسا و دیموکراسی تێیدا بنەمان. 
بەڵام لە کوردستان حوکمی هەرەمەکی خێڵگەرای سەرتایی بنەمایە... و پیرۆزیش دەکرێت.. 
ئەوەش تێدەپەرێت.
‌ 819 جار بینراوه‌
26/12/2017
Print Friendly and PDF
بابەتەکانی تری نوسەر
Telerik
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved