وتار
مەلا بەختیار بۆ وا لە (ی ن ک) دەکا !!!

كاروان عه‌لی شامار


گومان لەوەیا نییە مەلا بەختیار عەرابی ھێنانی ئەو وەفدەی ئەمرۆی پارتیە بۆ شاری سلێمانی و ئەم کارانەشی زادەی چەن ئامانجێکە لێرەیا بە کورتی ئاماژەیان پێ دەدەم:

١. یەکێتی بەتەواوی تەسلیم بە ئیرادەی پارتی بکات و ئەو خەونە لە مێژینەی کە بریتییە لە کۆتایی ھێنان و لەناوبردنی حزبی شەھیدان بێنێتەدی ئەگەرچی لە سەردەمی ئالای شۆرش زۆر ھەوڵی لە ناوبردنی (یەکێتی)دا وەلێ بەھۆی حیکمەتی ھەردوو رەوانشاد شاد مام جەلال و کاک نەوشیروان بۆی نەچووە سەرو خەونەکەی وەک بلقی سەر ئاوی لێھات، بەلام نوکە بەھۆی پاوەنخوازی و رێگەپێدان و لێنەپرسینەوەی لەلایەن بەرپرسانی بالای یەکێتیەوە خەریکە خەونەکەی جارێکی تر زیندوو دەبێتەوەو دێتە دی.

٢. وە دەیەوێ جارێکی تر بە ئەندامانی (ی ن ک) بڵێ من ھەموو شتم و کەس ناتوانێ پۆستی مەکتەبی سیاسیم لێ وەرگرێتەوە و بەمیرات بۆم ماوە و تا ئەو پلانەی کە بۆ لە ناوبردنی یەکێتی بۆم دانراوە وەک خۆی جێبەجێ نەکەم ئەو پۆستە بۆ کەس جێ ناھێڵم و کەسیش بیری لێ نەکاتەوە!

٣. وەک چۆن ئەندازیاری لەگۆرنانی رێکەوتنی دەباشان بوو ئاواش دەیەوێ بە گۆران بلێ ئێمە ھاوپەیمانێکی گەورەترمان لە ئێوە ھەیە و ئێمەی پرۆپارتیەکان وادەکەین کە لە ئایندەیەکی نزیکدا لەگەل پارتی دیموکراتی کوردستان ھیج جیاوازیەکمان نەمێنێ و ببین بەدوو رووی یەک دراو! 

لە کۆتایدا ھیوادارم یەکێتیە رەسەنەکان و ئەو بەرپرسانەی ئەمرۆ بونەتە جێ ئومێدی زۆرینەی یەکێتیەکان سنورێک بۆ قەلەمرەویی و کارە نارەواکانی  مەلا بەختیار دابنێن ئەگینا ھەرچی سەروەری یەکێتی ھەیە لە رابردوو  تا ئێستا دەکاتە قوربانی یەک ستایش و ئافەرینی بارزانی!
‌ 990 جار بینراوه‌
08/01/2018
Print Friendly and PDF
بابەتەکانی تری نوسەر
Telerik
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved