وتار
چیم دی؟

هۆشیار جەمال


دروست لەساتەوەختی گەرم بوونی بانگەشەی هەلبژاردنی پەرلەمانی كوردستاندا گرتەیەكی ڤیدیۆی كەسێك بڵاوبۆیەوە، كە هێرشدەكاتە سەر هاوڵاتیەك بەڵام ئەو كێشەی كۆمەڵایەتی هەیە لەگەڵ كەسەكەدا، بەڵام لەڕێگای دادگاوە چارەسەری ناكا بەڵكو بە پاڵپشتی شەخس یاخود حیزب وە دەمانچەكەی دەستی كەرامەت مرۆڤێك دەشكێنێت و ئیهانەی پێدەكات هەروەها جنێو بە دامو دەزگاكانی حوكمەت دەدات؟!.
هەر زوو پۆلیسی رایگەیاند:” كەسی تۆمەتبار ماوەیەك پێش ئێستا لە رووبەڕووبونەوەیەكدا دەستگیركراوە.
دیارە ئەم جۆرەكارانە بەر ئەنجامی لاوازی یاساكانە لە هەرێمی كوردستان هەروەها دەستكەوتنی چەكە لەلایەن هەمووكەسێكەوە بەڕێگایەكی ئاسان و یان لەكاتی بانگەشی هەڵبژاردندا دەبەخشرێتەوە بەسەر ئەندام و لایەنگرانی حیزبدا.
هەروەها بەرپرسە حییزبیەكانیش هۆكارن،چونكە نەیانتوانیوە بێلایەنبن لەكاتێكدا تۆمەتبارەكان راپێچی دادگا دەكرێن تەداخول دەكەن و هەندێكیان دەبنە تەرەف لە گرفتەكەدا و لاوازی دەسەڵاتی دادوەریش هۆكارێكی ترە بۆ زیادبوونی ئەم جۆرە حاڵەتانەدا.
بەڵام لە هەموو بێشەرمانەتر میدیاكانی حیزبە جیاوازەكانی هەرێمە كە نەیانتوانی بێلایەنانە كار لەسەر ئەم حاڵەتە بكەن و ببنە كارتی فشار لەسەر دەزگاكانی ئەمنی و دەسەڵاتی دادوەری و بەرپرسان لە هەرێمی كوردستان بەڵكو هەرزوو بۆ مەبەستی بانگەشەو كۆكردنەوەی دەنگ كەوتنە بڵاوكردنەوە و بەكارهێنانی بۆ مەبەستی حیزبی.
 میدیاكانی یەكێتی هەرزوو هەوڵیاندا، وا نیشانی بدەن كە دەستگیركردنی تۆمەتبار بەسە بۆ كۆتایی هاتنی ئەم هەرایەی دروستكراوە.
پارتیش چ لە رێگای میدیای بیستراو بینراو خوێندراوی رەسمیەوە چ لەڕێگای ئەو هەموو یوب سایتەوە كە هەمووی بە پارەی میللەت دروستكراون و بەڕێوەدەبرێت كەوتە هەرا، وەك بڵێی خەڵكی بێئاگان لەڕووداوەكانی چەند مانگی رابردووی سنووری ژێر دەسەڵاتیان لەبیرچووبێتەوە كە چۆن لە كاتی خۆپیشاندانە كاندا شەقشەقێنیان بە مامۆستایەكی بەتەمەن كرد، و دكتۆریان بەر زلە دەدا و دوایش لەدادگا بێشەرمانە داوای قەرەبوویان لێدەكرد!
 رەنگە ئەو میدیایانە بیریان چوبێتەوە كە هێمن ناوێكیش هەبوو پێشمەرگەبوو بەڵام هەموو رێز لێگرتنێكیان ئەوە بوو نیوەی سەری تاشراو رەوانەی سنووری سلێمانی كرایەوە حەقمە بپرسم ئەوەبوو حورمەتی پێشمەرگە ؟
یاخود میدیاكانی سەر بە بزووتنەوەی گۆڕان بیریان چوو چەند مەتریك ئەولای كەناڵەكەیان لە ناو گردی زەرگەتە لە رۆژنامەنوسیك دا كە چەندین ساڵ رەخنەی تووندی دەگرت لە نە یارانی گۆڕان و خزمەتی پرۆژەی گۆڕانی دەكرد، بەڵام كەڕوو قەڵەمی رەخنەو زمانی گۆڕا بۆ بزوتنەوەی گۆڕان بە شێك لەوانەی رەخنەیان قبوڵ نەبوو پەلاماریاندا ولە گردەكە دەریان كرد!
 ئەمەوێت بڵێم ئەركی میدیایە شەربكات لە پێناو كەرامەتی هاوڵاتیان و پاراستنی شەخسیەتی هەموو كەسیك بێجیاوازی ئاینی و ئایدۆلۆجیا و حزبی، نەك بەپێ بەرژەوەندی شەخسی و حزبی كەرامەتی مرۆڤ وەك پارچە قوماشێك لێبكات چۆنی بوێت ئاوا بیبڕێ و دوای بەدڵی خۆیان بیدورێن.
 لەراستیدا دەبێت هاوڵاتیانی ئەم هەرێمە هەردەم دەبێت لەخەمی ئەوەندابن كە توشی كێشەو گیروفتی كۆمەڵایەتی و هەندێك جار یاسایش نەبەن، لەگەڵ هیچ كە و گروپێك بۆ ئەوی نەبنە قوربانی لاوازی دەسەڵاتی دادوەری ودەزگاكانی حكومەت و كەرامەتیشیان ئەوەندەی تریش نە شكێنرێ لەلایەن حزبەكانەوە.

‌ 512 جار بینراوه‌
29/09/2018
Print Friendly and PDF
بابەتەکانی تری نوسەر
Telerik
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved