وتار
تەقەی بەناوخۆشی

هۆشیار جەمال

هۆشیار جەمال
یەكێك لەو دیاردەناشارستانی وناشرینانەی نێوكۆمەڵگای كوردی،دیاردەی تەقەكردنە كەناودەبڕێت بە تەقەی خۆشییە، كە ڕیشەی ئەم دیاردە ناشرینە دەگەرێتەوە بۆ ئەوكاتانەی لەگوندەكان ئاهەنگی هاوسەرگیری سازدەكرا،لەوكاتەداوەك دەربڕینی خۆشی تەقەبەئاسماندا دەكرا!
ئەگەرجاران دواكەوتوویی كۆمەڵگا هۆكاربووبێت بۆئەم دیاردەیە،و ڕوانینی تاكی كورد لەوەدا كورت بووبێتەوە كە ژن هێنان لەگوندیكی تر یان عەشرەتیكی تر یان تەنانەت لەو هەمان گوندو بنەماڵەدا ڕەمزی سەركەوتن بووبێت، ئەی ئێستا ولەم سەردەمی تەكنەلۆجیاو، جیهانگیری ومۆدێرنەدا، كە دەمی هەرتاكێكی كورد بكەیتەوە لە شوێنە گشتیەكان یاخود سەیری بڵاوكراوەكانی بكەیت لە تۆڕەكۆمەلایەتەكان ئەبینی لە یەك كاتدا سەدان مامۆستای ئاینی و فەیلەسوف، ڕۆژنامەنوس،چاودێری سیاسی،كۆمەلناس،پسپۆری دەرونی .شارەزای فەلەك ناسی، ڕۆشنبیر وڕوناكبیر،هونەرمەند شاعیر نوسەر، هەموو ئەمانە دەبینیت قسەدەكات و گوێ لە هیچ كەسی تر ناگرێت و خۆی وادەردەخات دواین حەقیقەت لای ئەوە!
بەڵام لە حەقیقەتدا كۆمەڵگایەكی وێرانەین هەموو ئەو پێشگری ناوانە سود وكاریگەری نەبووە نەك لەسەر خەڵكانی تر بەڵكو لەسەر خودی كەسی قسەكەر خۆشی!
تائێستا تاكە ڕێگای دەربڕینی خۆشی ئەوەیەكە لە كاتی سەركەوتنی لایەنێكی سیاسی لەهەڵبژاردنەكاندا دیاردەی تەقەكردنی هەرەمەكیە بە ئاسمانی ناوچەجیاوازەكاندا،كە ئەم دیاردەی تەقەكردنە هەمووجارێك چەندین قوربانی لێكەوتۆتەوە چ بە بریندار كردن و چ بە كوشتن.
كوشتنی مرۆڤێك و لێسەندنەوە مافی ژیان جگە لەوەی تاوانێكی گەورەیە و لە ڕووی یاسایەوە سزای قورسی لەسەرە واتا ئەوەشە كە خێزانێك لەبەریەك هەڵدەوەشێنیت و جەرگی دایكێك یان باوكێك دەسوتێنرێت وزۆرجار ژنیك بێوەژن بێت مندالێك بی دایك یان باوك دەبێت، كەسی تەقەكەریش زۆر بێ شەرمانە وبە جورئەتەوە باسی ژمارەی ئەو فیشەكانە دەكات كە تەقاندویەتی یان باسی جۆری چەكەكەی دەكات!
لایەنە سیاسیەكان وحكومەت هۆكاری سەرەكی ئەم دیاردەیەن و بێ باكن لە سەندنەوە مافی ژیان لە مرۆڤەكان، چونكە چەك دابەشدەكەن بەسەر بە شیك لە لایەنگرانیاندا لە بۆنە جیاوازەكان و حكومەتیش مۆڵەتی چەك هەڵگرتن بۆ هەندێ كەس دەكات هەندێ جاركە هیچ هۆكارێكی بڕوا پێكراوی پێنیە بۆ وەرگرتنی مۆڵەتەكە.
هەرزووش لە ساتەوەختی دەست پێكردنی تەقەكانەوە لایەنە جیاوازەكان لە ڕاگەیاندەكانەوە دێنە سەر شاشە و دەڵین خۆشیەكانتان بە تەقەكردن دەرمەبڕن وەك بڵێی ئاگایان لە هیچ نیە كە خەڵك چۆن چەكیان دەست كەوتوە.
جگەلە تەقەی خۆشی دیاردەیەكی تریش لە بۆنەكاندا بە دی دەكرێت ئەویش یاریە ئاگرینەكانە كە دیاردەیەكی زۆر ناشرینەو نایاسایشە، لە كۆڵانەكان و ناوگەرەكاندا بە بێ ئەوەی حساب بۆ دانیشتوانی بكرێت دەدەقێنرێت.
ئەگەر چی زۆرجار تێبنی ئەوەم كردوە كە هێزە ئەمنیەكان هەرزوو دەگەنە ناوچەكە بۆ ئەوەی كەسانی فرۆشیار دەستگیر بكەن تا ئێرە شایەنی دەست خۆشیە بەڵام دەپرسم كە ئەوەندە نایاسایەو هەمووان دەزانین سەرچاوەی بیزاركردنی خەڵكیە بۆ لە سنورەكانەوە بە ئاسانی دێتەناو خاكی هەرێم و لە ناوبازاڕەكاندا وا بە ئاسانی بڵاودەكرێتەوە؟
بۆچەك و تەقەمەنی لە وڵاتانی جیهانەوە بە یاسای و نایاسی دەكڕیت یاخود وەك هاوكاری دێت بە هێزە ئەمنیەكان بۆ پاراستنی ئەمنیەتی هاوڵاتیان، و پاراستنی سنورەكان و ئامادە باشی بۆهێرشی دوژمنان بەڵام وابە ئاسانی دەگاتە دەستی كادری حزبەكان و بە ئاسانی مامەڵەی پێوەدەكرێت و لە بۆنەكاندا ئاسمانی كوردستانی پێ گوللەباران دەكرێت و پێش كەوتنە سەرزەویش جەستەی مرۆڤیكی بێ گوناهی پی خوێناوی دەكرێت؟


‌ 179 جار بینراوه‌
06/10/2018
Print Friendly and PDF
بابەتەکانی تری نوسەر
Telerik
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved