وتار
كەركوك بە هەڵپەسێراوی یان بە هەڵواسراوی دەمێنێتەوە

زاهیر شكور


كەركوك هەڵواسراوی دەستی دەوڵەتانی ئیقلیم و ئەمریكا و بەریتانییایە، واتا چارەنووسی كەركوك ئایندەی كەركوك لە موعادەلەیەكی ئاڵۆز و نادیاردا ماوەتەوە، یاریكەرە سیاسییەكانی كورد و توركمان و عەرەب، كەركوكییان لەسەر مێزی قومارداناوە، ئەوەی سەری لە یارێكە دەرناچێت، كوردە، چونكە روانگەی كورد بۆ كەركوك، فرە روانگەیە، پارتی روانگەی خۆی هەیە، كە فیكرێكی نەتەوەی تا ئەندازەیەك توندرەوی لەخۆی پێچاوە و پێی وایە دەتوانێت بە ئیرادەی هێز كەركوك ئەگەڕێنێتەوە سەر هەرێم، كەچی روانگەی یەكێتی، روانگەیەكی میانرەوانەیە، پێیوایە لە رێگەی دانوستان و چەند رێكەوتنێكی هەمەلایانە دەتوانێت چارەسەری كێشەی كەركوك بكات.
ئەمریكا و بەریتانییا و دەوڵەتانی ئیقلیم وحكومەتی عێراق پێیان وایە دەتوانن لەم روانگەیەوە لەسەر مێزی گفت و گۆ دانیشن، توركمان هاجسی ترسی لە توانەوەی خۆیەتی و پێوایە كەركوك لە دەست كورد بێت، بەحوكمی زۆرینەیان پرۆسەی بەكوردكردن پەیڕەودەكەن و بوونی نەتەوەیی توركمان دەكەوێتە بەر مەترسی نەمان، هەمان هاجس و ترسیشیان لە عەرەب هەیە، كە دەست بگرنە سەر شارەكە، بۆیە پێیان وایە تەنها چارەسەر بە هەرێمكردنی كەركوكە، هیچ نەبێت بۆ ماوەی دە ساڵ. 
ئەمە دۆخی كەركوكە، بۆ كورد مەترسییەكان لە نایەكڕیزی ناوماڵی كوردە، بەتایبەتی یەكتربڕینی یەكێتی وپارتی ویەك نەخستنی سیاسەتەكانییان بەانبەر كەركوك، ئەمحاڵەتەش متمانەی نەهێشتوە لەنێوانیان، بۆیە دەبێت یەكێتی بە حوكمی ئەوەی زۆرینەی كوردی كەركوك یەكێتین، ئەبێت یەكلایەنانە بڕیارێكی ئازایانە بدات وبێ هیچ مەرجێكی پێشوەخت بچێتە دانوستانێكی جدییەوە لەگەڵ پێكهاتەی توركمان و حكومەتی ئیتحادیەوە، چونكە مانەوەی كەركوك بە هەڵپەسێراوی، لە قازانجی كورد و توركمان نییە و خەڵكی كەركوكیش هێدی هێدی لێیان دەتەكێتەوە ومتمانەی خۆیان ئەدۆڕێنن و ساحەكە چۆڵ دەكەن بۆ ئاڵۆزی زیاتر و ناكۆكی زیاتر و مەترسیدار.



‌ 785 جار بینراوه‌
13/10/2018
Print Friendly and PDF
بابەتەکانی تری نوسەر
Telerik
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved