»  وەرزش
وەرزشی كوردستان لە كەناری مەرگە
عەدنان عومەر ساڵح



لە دوای ڕاپەرینە مەزنەكەی بەهاری ساڵی 1991 وە وەرزشیش وەكو هەموو بوارەكانی تری ژیان رزگاركراو رۆژ لە دوای رۆژو هەفتە لە دوای هەفتەو مانگ لە دوای مانگ و ساڵ لە دوای ساڵ ئەم بوارە گرنگ و پێویستەی ژیان لە گەشەكردن و پێشكەوتنی بەردەوامدا بوو، لە هەندێ یاریی وەرزشیدا یاریزانانی كوردستان كۆنتڕۆڵی هەڵبژاردەكانی عێراقیان كرد، لە جومگەكانی كارگێڕیدا توانرا پێگەی كورد دیاری بكرێ و پەل بهاوێژێ بۆ كۆنتروڵكردنی پۆستە سەرەكییەكانی زۆرینەی یەكێتیە وەرزشییەكانی عێراق و تەنانەت لە ستافی لیژنەی ئۆڵۆمپی عێراقدا رۆڵی كاریگەر بگێڕێ بە تایبەتتر لە دوای پرۆسەی ئازادی عێراقدا تا ناوەڕاستی ساڵی 2014 ، لێرە بە دواوە ئەستێرەی وەرزشی كوردستان ژمارەی پێچەوانەی تۆماركرد بە گەڕانەوە بەرەو دواوە، ڕۆژ لە دوای رۆژ هەفتە لە دوای هەفتە مانگ لە دوای مانگ و ساڵ لە دوای ساڵ ، هۆكاری سەركەوتنەكان و شكستەكان هەردووكی دەگەڕێتەوە بۆ حكومەتی هەرێمی كوردستان و هەردوو حزبی سەرەكی كوردستان، یەكێتی نیشتمانی كوردستان و پارتی دیموكراتی كوردستان، كە  لەم چەند خاڵەی خوارەوە خۆی دەبینێتەوە. 
1- دانانی كەسانی پڕۆفشناڵ لە دەزگاكانی ئیدارەی وەرزش. 
2- دابینكردنی بوجەی تایبەت بۆ یانەكان و لیژنەی ئۆڵۆمپی هەرێمی  كوردستان .
3- پێچەوانەكردنی ئەو دوو خاڵەی سەرەوە بوونە هۆكاری لاواز بوونی وەرزشی كوردستان .

‌ 172 جار بینراوه‌
6/2/2018 1:43:49 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved