»  باران
كشاناك لە زیندانەوە: پێویستە جێدەستی ژنان لەم هەڵبژاردنە دیاربێت




گوڵتان كشاناك هاوسەرۆكی شارەوانی ئامەد لە نامەیەكیدا لە زیندانەوە دەربارەی ژنان لە كارنامەی پارتەكان دەڵێت: «"لە هەڵبژاردنی 24/6/2018 چەندین پارت كە پێشتر قەت باسی ژنانیان نەكردبوو، لە لیستی كاندیدەكانیاندا شوێنیان بۆ ژنان تەرخان كرد، ئەمە لە ڕوویەكەوە باشە، هەر نەبێت دەزانن كە لەم وەڵاتەدا ژنانیش هەن".
كشاناك لە درێژەی نامەكەیدا كە لەچەند ماڵپەڕێكی نزیك لە هەدەپە بڵاوكراوەتەوە رونیدەكاتەوە: "لەنێو هەدەپەدا دەستكەوت هەن كە ژنان بە ڕەنجی خۆیان بەدەستیان هێناون، ئێستاش كاتی ئەوەیە كە ژنان جێدەستی خۆیان لە سیاسەتدا بنەخشێنن".
هەروەها ئاماژە بەوەشدەكات: "بە گرتنی ئێمە ویستیان هەموو ژنان بترسێنن و پیشانی بدەن كە سیاسەت كارێكی هەڵەیە، بۆ ئەوەی لە سیاسەتیان دووربخەنەوە، ئێمە نەترساین، ناترسین. ئێمە كاتێك بەڕێكەوتبووین، گوتبوومان «لەپێناو داهاتوو، ئازادی، دواڕۆژ و مافەكانی خۆمان ئەگەر پێویست بكات ئامادەی قوربانیدانین".
كشاناك بە هۆی نزیكبوونەوەی وادەی هەڵبژادنەكانی توركیاوە ئەم نامەیەی بڵاو كردوەتەوە و بەوهۆیەوەش دەڵێت: "ئێمە چیرۆكی سەركەوتنی ئێوە لە 24ی حوزەیران دەخوێنینەوە. بەڵام ئێوە دەزانن بەر لە خوێندنەوە، دەبێ مرۆڤ بینووسێت، با مێژوو بنووسینەوە، جێدەستی خۆمان لە هەڵبژاردنی 24ی حوزەیران بنەخشێنین"..

‌ 349 جار بینراوه‌
6/23/2018 12:14:29 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved