»  شۆک
مرۆڤی بێ ناوەڕۆك
ساكار بەختیار


بینین و تێڕامان لە هەندێك دیاردەو رووداو و نەریتی باوی خەڵكی، نیگەرانی دەخاتە دڵەوە، ئەوەی زیاتر من نیگەران دەكات بوونی مرۆڤی بێ ناوەڕۆكە بە واتایەكی تر زۆر لە گەنجان خەریكی بە رێكردنی ژیانێكی خەیاڵین لە چوارچێوەی چاوەڕوانی و هەوڵنەدان و خۆ سەرقاڵكردن بە سۆشیال میدیا بە شێوەیەكی بێ ئەنجام. لە لایەكی تر سەرقاڵی بە مۆدێلاتی بێ زانیاریەوە. 
لێرەدا دەمەوێت قسەكانم بۆ كچانی وڵاتەكەم بكەم بەداخەوە زۆر كەم ناوی كچان دەبیستین بەشداربن لە چالاكییەكانی وڵات بەدەر لە چالاكی سیاسی، بمانەوێ و نەمانەوێ وڵات پێویستی بە ئێمەی گەنج هەیە، پێویستە بەشێك لە كاتەكانی خۆمان بۆ خزمەتی نیشتمان تەرخان بكەین.
بە بڕوای من وازهێنان لە هەندێك نەریتی دووبارە دەمانگەیەنێت بە ئەنجامێكی باش، كچان با چیتر كە ناوی كچیان بیست تەنیا مۆدێلات و جوانیان نەكەوێتە بیر لە كاتێكدا زۆربەی كچانی ئێستا سەرقاڵی ئەمەن، با چیتر پێویستمان بە رێكخراوەكانی مافی مێینە نەبێت، پێویستمان بە ریكلامەكانی دژی توندوتیژی نەبێت، چونكە كەس ناتوانێت ئەمانە بوەستێنێت جگە لە خۆمان با بەهێز بین هەوڵبدەین خاوەن كار و پیشە و بڕیاری خۆمان بین، لەوێوە دەتوانین ببین بە مرۆڤێكی تێگەیشتو و خاوەن بڕیار
تكایە با بەشێك لە كاتی مۆدێلات بدەین بە خزمەتی خۆمان و وڵاتەكەمان، چیتر نەهێڵین كۆمەڵێك شتی لاوەكی داهێنان و بیركردنەوەكانمان بكوژن سەركەوتن و هەوڵی خودی خۆمان سەركەوتنی وڵاتی خۆمانە..

‌ 637 جار بینراوه‌
6/23/2018 12:19:09 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved