»  وەرزش
فێرگەی خاك ئامادەكاری بۆ دوو پاڵەوانێتی دەكات




فێرگەی تۆپی پێی یانەی خاك خۆی  بۆ دوو پاڵەوانێتی ئامادە دەكات، سەرپەرشتیاری فێرگەكەش دەڵێت:” پێكهاتەی تیپەكانمان بە چەند یاریزانێكی نوێ بەهێزتر كردووە”. 
لە بارەی ئامادەكارییەكانەوە، جەمال محەمەد سەرپەرشتیاری تۆپی پێی فێرگەی خاك، بۆ (هەواڵ) وتی: “ دوای كۆتاییهاتنی تاقیكردنەوەكانی كۆتایی ساڵی خوێندن فێرگەكەمان دەستی بە چالاكیەكانی خۆی كردەوەو دەرگای واڵاكرد بۆ پێشوازیكردن لە فێرخوازانی تۆپی پێی و خۆ ئامادەكردن بۆ چەند پاڵەوانێتییەك “.
وتیشی: “ فێرگەكەمان خۆی بۆ بەشداریكردن لە پاڵەوانێتی ئەكادیمیاكانی تۆپی پێی عێراق ئامادە دەكات، كە بڕیارە لە رۆژانی داهاتوو لە شاری سلێمانی بەِرێوەبچێت، هەروەها تیپی لە دایكبووانی ساڵی 2004ی فێرگەكەمان لە ئامادەكاریدان بۆ پاڵەوانێتی  فێرگەكانی كوردستان كە یەكێتی تۆپی پێی كوردستان لە شاری هەولێر ئەنجامی دەدات “.  سەرپەرشتیاری فێرگەی خاك ئاماژەی بۆ ئەوەشكرد:” ئامادەكارییەكان لە ماوەی مانگی ڕەمەزاندا بەردەوامی هەبووە،  بۆ ئەو مەبەستەش شەوانە راهێنانیان كردووە “
جەمال محەمەد ئەوەشیخستەڕوو:” لە هەردوو پاڵەوانێتیەكە هیوای بەدەستهێنانی ئەنجامی باشمان هەیە، بۆ ئەم مەبەستەش پێكهاتەی تیپەكانمان بە چەند یاریزانێكی نوێ بەهێزتر كردووە”.

‌ 252 جار بینراوه‌
6/23/2018 12:24:06 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved