»  پەڕەموچ
چۆن وەڵامیان دەدەیتەوە
ستار ئەحمەد


تۆ لەپرسەی مەرگی خۆتا 
راناوەستی
چاوەكان نابینی
هەتا لەفرمێسك تێبگەی
لەهەموو شتێك داتدەماڵن
تەنها میوانێك تیژڕەوی
كەسانی دی خاوەن ماڵن
دەڕۆی ژێر خاكیش دەبینی
لەتەنانێك
قومەئاوێك
كراسێك
چاكەتێكی دڕاو
ناكەنەتوێشووی سەفەرت
بڵێی لەوێ 
رووت و قووت و
برسی و تینوو لێی راكشێی
یان دەبیتەتروسكەیەك
دەفڕیت بۆ دیدەی ئاسمان و
ئینجا مەئوای تا هەتاییت پێدەبەخشن
كێ دەڵێت نابیتەئاگر
ناچیتەنێو گڕكانێكی زۆر قووڵەوە!!
لەخۆت پرسیوەغەریبی
كردارو وتاری دەوێ
لێتیان پرسی
لەسكی دایكت چۆن ژیای
یاخود خۆت ناوی خۆت ناوە
چۆن وەڵامیان دەدەیتەوە
بۆ ناسینت
چۆن باسی دونیاو رەفتارت
بەپەلەدەنووسیتەوە
دونیایەكی نامۆ بەتۆ
مەگەر خێرخوازیی زیندەگیت
فریای رزگاریت بكەون
مەگەر خواوەند پەلت بگرێ
بەسۆزی خۆی بتشواتەوە
دەنا كوا مناڵ و ژنت
یان خەمخوارێك
دەرگا لەڕووت بكاتەوە.

‌ 316 جار بینراوه‌
7/8/2018 7:53:45 PM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved