»  شۆک
بازاڕی كۆنەفرۆشان نەتەوەكانی كەركوك كۆدەكاتەوە
ئا / ئەحمەد حەسەن خدر



بازاڕی كۆنەفرۆشانی كەركوك رۆژ بەرۆژ قەرەباڵغتر و جەنجاڵتر دەبێت، لەرۆژانی هەینی جمەی دێت لە خەڵكی، هاوڵاتیان بەزۆری رووی تێدەكەن، جۆرەها كەرەستەی تیا بەدی دەكرێت، زۆربەی چینوتۆێژەكانی كەركوك لە هەموو نەتەوەكان رووی تێدەكەن، ئەو كەلوپەلانەی كە دەفرۆشرێن لە چاو دوكاندارەكانەوە هەرزانترن ئەمەش وایكردوە خەڵك زیاتر رووی تێ بكات و كڕیارێكی زۆر لەخۆی كۆبكاتەوە.

لەم بازاڕەدا منداڵانیش  شانبەشانی پیاوان كاردەكەن، ئەوانش كڕیاری خۆیان هەیە، عەلی تەمەنی حەوت ساڵە، عەلی دەڵێت "لەبری ئەوەی دەس لەخەڵك پان بكەمەوە ئاو دەفرۆشم بۆ ئەوەی بژێوی خێزانەكەم پەیدابكەم". 
كۆچەر تەمەنی 44 ساڵە كاسبكارێكی شاری كەركوكە، دوو ساڵە لەبازاڕی كۆنەفرۆشانی كەركوك كەرەستەی ناو ماڵ دەفرۆشێت، ئەو وتی "ئەم كەرەستانە زۆربەی دوو دەستین لەگەڕەكەكان ئەسوڕێمەوە لەخەڵكی بەهەرزان دەیكڕم ئەو خەڵكەشی روو لەم بازاڕە دەكات كەم درامەتن و توانای داراییان كەمە.
هەر لەگەڵ كۆچەر مامۆستا تەها تەمەنی 55 ساڵە كەهاوبەشی كارەكەیەتی شەریكی یەكترن، ئەو وتی "موچەكەم لەسەر هەرێمەو دوو مانگ جارێ دێت، بۆیە بەم كارەم بژێوی خیزانەكەم پەیدادەكەم" وتیشی "لەبەر ئەوەی شتەكانمان هەرزانە كڕیارمان زۆرە چونكە شتیان بەگرەنتی دەدینێ و متمانەی تەواومان لەنێوان خومان و كڕیارەكانمان دروستكردووە".  
وەستا عومەریش تەمەنی 62 ساڵە سەرقاڵ بوو بە شت كڕین.. وتی "لەبەر بێ تاقەتی رووم لەم بازاڕە كردووە هەر پێداویستیەك پێویستم پێی بێت دەیكڕم" ..  دەربارەی بازاڕەكەش بەمشێوەیە دوا "بازاڕ زرووف حكوم دەكات، ئەگەر خەڵكی ئیدارەی باش بێت توانای شت كڕینی باش دەبێت، ئەم بازاڕە لەمێژە هەیە وەكو بازاریَِكی كلتووری وایە، لەبەر قەیرانی ئابووری خەڵكی رووی لەم هەڕاجخانەیە كردووە، لەهەموو وڵاتێكیش بازاڕێك هەیە شتی كۆن و دەستی دوو تیا بفرۆشترێت" وتیشی " جگە لەوەی زۆربەی ئەوكەسانەی روویان لەم بازاڕە كردووە نەبوون و هەژارن ، خەڵكێكی زۆریش هەیە وەك ئارەزوویەك یان پیاسەیەك روو لەم بازاڕە دەكەن ، نرخی زۆربەی شەمەكەكان هەرزانە ئەمەش وایكردوە خەڵك بەگوڕوتینەوە روو لەم بازارە بكات".
ئەم بازاڕە هەفتەی یەك رۆژ هەیە كەدەكاتە هەینی، لەو رۆژە هەر شتێك پارە بكات و بفرۆشترێت لێرە مامەڵەی پێوە دەكرێت، لەسەر شەقام و شۆستە  هەمووی  پێدوایستی و كەلوپەل و شەمەكە، هەریەكەو بەزمانێك هاوار دەكەن  بۆ ئەوەی كڕیار سەرنجی خەڵكی بۆخۆیان رابكێشن .
سیڤەر جەبار  كە خوێندكاری كۆلێژی كارگێڕی ئابووریبە دەڵێت "ئەوەی لەو بازاڕە بەدیم كردووە كەسانی سەرمایەدارش رووی تێدەكەن، چونكە جۆرە شمەكێكی تیا بەدی دەكرێت  شمەكی نامۆن مێژووەكەی بۆ سەدەكانی رابردوو دەگەڕێتەوە، هەندێ كەسیش وەك كاری بازرگانی خۆیان كڕیارن، بەڵام لە هەمانكاتدا بازرگانیش دەكەن لەكاتی كڕینی هەر شمەكێك دەیفرۆشنەوە، هاوڵاتیان هەندێكیان وەك ئارەزوویەك هەندێكیشیان بەمەبەستی  شت كڕین و بینینی دۆست ناسیارەكانیان هەندێكیانیش بەمەبەستی كەیفخۆشی خۆیان  روو لەم بازاڕە دەكەن".
بەوتەی كڕیارو فرۆشیارەكان "گەرمای هاوین و دۆخی سیاسی و ئەمنی كاریگەرییەكی لەو بازاڕە نەكردووە، سەردانیكەرانی هەر روو لەو بازاڕە دەكەن  بەشێوەیەكی بەرچاو.، چونكە ئەم بازاڕە لەكۆن و  ئێستادا ئەو كەسانەی سەردانیان كردووە هەژاربوونە بۆیە هیچ كاریگەریەكی نەكردووەتە سەری".

‌ 126 جار بینراوه‌
8/11/2018 12:10:11 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved