»  وەرزش
پێش سوپەری ئیسپانی بەرشلۆنە لە قەیراندایە



پێش ئەنجامدانی یاری جامی سوپەری ئیسپانی لە بەرامبەر یانەی ئەشبیلیە  لە سەر یاریگای تەنجە لە وڵاتی مەغریب  كە بڕیارە سبەی بەڕێوەبچێت  یانەی بەرشلۆنە رووبەڕووی قەیرانێكی گەورە بۆتەوە.
رۆژنامەی مۆندۆ دیپۆرتیڤۆ دووپاتیكردەوە  لە ئێًستادا یانەی بەرشلۆنە 4 یاریزانی هەیە لە دەرەوەی  یەكێتی ئەوروپا كە بریتین لە( ئارتو فیدالی چیڵی و هەرسێ یاریزانی بەرازیلی كۆتینهۆ و ئارسەر میلۆ و ماڵكۆم)".
 رۆژنامەكە روونیكردەوە:" یەكێتی تۆپی پێی ئیسپانیا رێگە تەنها بە سێ یاریزان  لە دەرەوەی یەكێتی ئەوروپا دەدات لە هەر تیپێك بەشداری لە جامی سوپەری ئیسپانیا بكەن".
رۆژنامەكە ئەوەشیخستەڕوو:" یانە كەتەلۆنیەكە هەوڵدەدات پەراوەكانی كۆتینهۆ تەواو بكات كە ڕەگەزنامەی پوروتوگالی بەدەستدەهێنێت  لە رێگای هاوسەرەكەیەوە كە خاوەن ڕەگەزنامەی ئەو وڵاتەیە".
ئاماژە بەوەشكراوە:"  لە ئەگەری تەواونەبوونی پەراوەكانی كۆتینهۆ پێش وادەی یارییەكە كە ئەرنستۆ ڤاڵڤێردی ناچار دەبێت یەكێك لەو چوار یاریزانە دوور بخاتەوە".

‌ 124 جار بینراوه‌
8/11/2018 12:12:15 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved