»  عێراق
مالیكی : تاكە داواكاری كورد چارەسەری كێشەكانە بەپێی دەستور


نوری مالیكی سەرۆكی ئیئتلافی دەوڵەتی یاسا لە چاوپێكەوتنێكدا لەگەڵ كەناڵی (ئافاق) رایگەیاند:”وەك كوتلەی (البناْ) لەلایەن كوردەوە جگە لە داواكاری چارەسەركردنی كێشەكان بە پێی دەستور هیچ وردەكارییەكی ترمان بە دەست نەگەیشتووە”.
نوری مالیكی سەرۆكی ئیئتلافی دەوڵەتی یاسا لە وەڵامی پرسیارێكی كەناڵەكەدا دەڵێت:” لایەنی كوردی هیچ وردەكارییەك و مەرجێكی بە تەواوی رانەگەیاندووە جگە لەوەی پێیان راگەیاندووین كە دەبێ كێشەكان بە پێی دەستور چارەسەر بكرێن، ئێمەش ئامادەین بەو مەرجەی ئەم داواكارییە بە بێ هیچ زیادو كەمێك جێبەجێ بكرێت، نابێت كورد بێبەش بكرێت و لە هەمانكاتیشدا نابێت لە مافی خۆی زیاتری پێ بدرێت”.
سەبارەت بە هەڵوێستی كورد لە ئێستادا بۆ چوونە نێو كوتلە ركابەرەكان بۆ پێكهێنانی حكومەت، مالیكی وتی:” كورد تائێستا بە وریاییەوە دەڕوانێتە كێشەكەو نایەوێت ببێتە دیوێك لە قەیرانە سیاسییەكان لە عێراق، بەڵام ئەم بێلایەنییە درێژە ناكێشێت و لە داهاتوویەكی نزیكدا بەرژەوەندییەكان و داواكارییەكانی دەگەنە كۆتایی و هەڵوێستی كوردیش لە رووی سیاقە دەستورییەكانەوە دەگۆڕێت”.
سەرۆكی ئیئتلافی دەوڵەتی یاسا ئاماژەی بەوەشكرد:” ئێمە كوتلەی گەورەمان پێكهێناوە، كوردیش لە درێژەی خەباتی ئێمەدا هاوشانی ئێمە بووەو ئامادەین بە پێی دەستور كێشەكان لە هەموو عێراق چارەسەر بكەین”. 


‌ 93 جار بینراوه‌
9/8/2018 9:01:03 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved