»  کوردستان
 تائێستا پارەی كارمەندانی هەڵبژاردنەكەی 12ی ئایار خەرجنەكراوە
هاوكار سەمەد


 تائێستا كارمەندانی سەرسنوقەكانی دەنگدانی هەڵبژاردنە پەرلەمانییەكەی 12ی ئایاری رابردوو خەرج نەكراوە، لێپرسراوێكی كۆمسیۆنیش دڵنیایی دەدات و دەڵێت مافی كەس نافەوتێت “. 
عەبدولباست دەروێش، لێپرسراوی ئۆفیسی كەركوكی كۆمسیۆنی باڵای سەربەخۆی هەڵبژاردنەكانی عێراق، لە لێدوانێكیدا بۆ (هەواڵ)، رایگەیاند:”تا ئێستا هیچ نوسراوێكی رەسمیمان بۆ وادەی خەرجكردنی پارەی كارمەندانی هەڵبژاردنە پەرلەمانییەكەی  12ی ئایاری رابردوو  بۆ نەهاتووە”، ئەوەشیخستەڕوو:”بەڵام دڵنیایی تەواو بەو كارمەندانە ئەدەین كە بەهیچ شێوەیەك مافەكانیان نافەوتێت”. 
بەوتەی لێپرسراوی ئۆفیسی كەركوكی كۆمسیۆنی باڵای سەربەخۆی هەڵبژاردنەكانی عێراق،  بڕیاری خەرجكردنی پارەی كارمەندانی كۆمسیۆن لەلایە هەریەكە لە ئەنجومەنی كۆمسیاران و وەزارەتی داراییەوەیە كە تا ئێٍستا هیچ وادەیەكیان دەستنیشان نەكردووە، باسی لەوەشكرد:”ئەو هەواڵانەی باس لەوە دەكەن كە پارەكە نادرێت و دەفەوتێت دوورن لە راستیەوە. 
عەبدولباس دەروێش، ئاماژەی بۆ ئەوەشكرد:”پێشبینی ئەوە ئەكەین كە لەگەڵ دەستبەكاربونەوەی ئەنجومەنی كۆمسیاران ئەو بڕە پارانە بڕیار لەسەر دابەشكردنی ئەو بڕە پارانە بدەن”.

‌ 93 جار بینراوه‌
9/8/2018 9:04:59 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved