»  کوردستان
بەغدا نوسراوی شەهیدانی كەركوك ناخوێنێتەوە
 رەوان تاڵیب


 بەڕێوبەرایەتی بەگەڕخستنی قەرزەكان، قەرز بە وارسی ئەو شەهیدانە نادات كە سەر بە هەرێمن، بەڕێوەبەری شەهیدو ئەنفالكراوانی كەركوكیش دەڵێت:” لێكۆڵینەوەمان كردووەو بڕیارەكەش لەلایەن وەزیری كاری ناوەندەوە دراوە”.
خەلیل رەحیم، بەڕێوەبەری بەڕێوەبەرایەتی شەهیدو ئەنفالكراوانی كەركوك، لە لێدوانێكیدا بۆ (هەواڵ)، رایگەیاند:”بەڕێوبەرایەتی بەگەڕخستنی قەرزەكان، بە كەسوكاری ئەو شەهیدانەی وتوە كەسەر بەهەرێمن ناتوانن قەرزیان پێبدەن”، وتیشی:”بەدواداچوونمان كردووەو بەڕێوەبەرەكەی رایگەیاندووە كەبە بڕیاریی وەزیری كاری ناوەند  ناتوانن قەرز بە كەسوكاری شەهیدانی سەربە هەرێم بدەن”.
بەوتەی بەڕێوەبەری بەڕێوەبەرایەتی شەهید و ئەنفالكراوانی كەركوك، نوسراوی رەسمیی ئاڕاستەی وەزارەتی شەهیدان و ئەنفالكراوان و  ئەنجومەنی وەزیرانی هەرێم كراوە تاوەكو لەگەڵ ئەنجومەنی وەیرانی عێراق ئەو پرسە یەكلا بكەنەوە، كار بە نوسراوەكانی ئێمە بكەن لە كەركوك، هەروەها باسی لەوەشكرد:”ئەو هەنگاوەشمان بەو ئاڕاستەیەكە  بۆ  كە ئاستەنگی یاخود رێگری نەكرێت لە كەسوكاری شەهیدان لە هەر بەرێوەبەرایتەیەك كە بۆ هەر مەبەستێك سەردانی دەكەن”.
خەلیل رەحیم، ئاماژەی بۆ ئەوەشكرد:” جگە لە بەڕێوەبەرایەتی بەگەرخستنی قەرزەكان  بۆ بەشێكی زۆری بەرێوەبەرایەتیەكان نوسراومان كردووە و هیچ كێشەیەكیان بۆ دروستنەكراوە”.
هەروەها راشیگەیاند: “تا ئێستا پارەی خوێندنی كولێژەكانی ئێواران كەسوكاری نمرە یەكی شەهیدان لەسەر ئەستۆی بەڕێوەبەریاتیەكەمانەو و لەدوای ئەوەی خوێندكاران پارەكە دەدەن دوای ئەوە بۆیان خەرجدەكرێتەوە”.
بەپێی زانیارییەكانی هەواڵ لە كاتی دەركردنی یاسای شەهیدانی عێراق، هەرێم رازی نبووە ببێتە بەشێك لە قانونەكە، بەهۆی ئەوەشەوە مامەڵەی لەگەڵدا ناكرێت.

‌ 99 جار بینراوه‌
9/8/2018 9:06:15 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved