»  عێراق
كۆمپانیای سیمینزس ئەڵمانی هاوكاری عێراق لە بواری كارەبادا دەكات


كۆمپانیای سیمینسی ئەڵمانی بەڵێنی هاوكاریكردنی عێراق لە تێپەڕاندنی قەیرانی كارەباو دابینكردنی 60هەزار هەلی كاریش دەدات . 
جۆزیف كایزەر بەڕێوەبەری جێبەجیكاری كۆمپانیاكە لە توێتێكیدا لە تۆڕی كۆمەڵایەتی تویتەر رایگەیاندووە: " بەڵێنمان بە گەلی عێراق داوەو بەڵێنەكەمان جێبەجێدەكەین وەك ئەوەی لە میسر ئەنجامماندا بە كاتێك و لێهاتوویەكی بێوێنەدا، هەروەها بەڵێن دەدەین بە دابینكردنی 60 هەزار هەلی كار و فێركردنی هەزاران لاو بۆ دروستكردنی عێراقێكی نوێ ". 
كایزەر دەشڵێت: "بە شێوەیەكی تایبەتی سەركردایەتی ئەم كارە دەكەم بۆ یارمەتیدانی عێراق لە قۆناغی سەرلەنوێ بنیاتنانەوەی ".
جێی باسە عێراق لە نەوەدەكانی سەدەی رابردووە بە قەیرانی دابینكردنی كارەبا تێپەڕ دەبێت، لە ماوەی ساڵانی ڕابردووشدا چەندین وەزیر ئیدارەی دۆسێی وزەیان گرتە ئەستۆو چەندین گرێبەستی وەبەرهێنان واژوو كرا لە پێناو گەشەكردن لەو كەرتەدا بەڵام گرفتەكە وەك خۆی ماوەتەوە.

‌ 485 جار بینراوه‌
9/21/2018 11:09:26 PM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved