»  کوردستان
حاجی ئۆمەران لە كۆنترۆڵی میت دایە


یەكەكانی دەزگای هەواڵگری توركیا ناسراو بە میت لە دەروازەی سنووری حاجی ئۆمەران تاوەكو چیای كۆڕەك لەبنكە سەربازییەكانی پارتی دیموكراتی كوردستان جێگیر بوونە.
بە پێی راپۆرتە هەواڵێكی ماڵپەڕی فورات نیوز ANFی نزیك لە پەكەكە سوپای توركیا لە باشووری كوردستان لە چەندین ناوچە بنكەی سەربازیی دروستكردووە. هاوكاتیش لە رێگەی تۆڕە سیخوڕییەكانی دەزگای هەواڵگرییەكەیەوە (میت) سەرقاڵی ئەنجامدانی چالاكی هەوڵگری و ئەمنییە.
ماڵپەڕەكە ئەوەش ئاشكرا دەكات كە زانیاریی گرنگ لەبارەی شوێنی میتەكان لە باشووری كوردستان بە دەستیان گەیشتوون. بەپێی ئەو زانیارییانە كە لەسەرچاوە هەرێمییەكانەوە بە دەستیان گەیشتوون، یەكەی میتی تورك لە شاخی سەری رۆلا لە ناوچەی قەسرێ لە بنكەیەكی پەدەكەدان. رۆژانەش كاری سیخوڕی و چاودێری لە كۆلیتەر، مامەڕووت، بەردەزەردان، شێراوازێ ئەنجام دەدەن.
بنكە سەربازییەكانی گوندەكانی دیانا كە ئاسایشیان لەلایەن هێزەكانی زێرەڤانی لە ژێر سەرپەرشتیی حەجی بیرۆفی دابین دەكرێن بۆ كاری سیخوڕیی میت كراوەن و ماوەی چەندین ساڵە لەو بنكە سەربازییانەی كاری سیخوڕی ئەنجام دەدەن.
هەروەها بنكەی سەربازیی پەدەكە لە چیای كۆڕەك كە لەلایەن هێزەكانی زێرەڤانی و پارتی بەڕێوەدەچن، بۆ میت بوونەتە ناوەندی كاری سیخوڕی.
بە پێی راپۆرتەكەی ANH لەو بنكانەی چیای كۆڕەكەوە لە سنووری دۆڵی ئالان و دۆڵی مەلەكان و چیای كێلكلێلێ تاوەكو پشت سنووری هەڵگورد و لەوێیەوە تاوەكو ئاكۆیان و رەواندز و گوندەكانی گەرەوانی كۆنترۆڵ و چاودێری دەكرێن.
بنكەكانی دیانا كە ئاسایشیان لەلایەن هێزەكانی زێرەڤانی و بە سەرپەرشتیی حەجی بیرۆفی دابین دەكرێن، بۆ كاری سیخوڕیی میت كراوەنە و ماوەی چەندین ساڵەوە بەكار دەهێنرێن بۆ كارە سیخوڕییەكانی میت.
هاوكات لە بنكەی سەربازیی هێزەكانی زێرەڤانیی پەدەكە لە چیای وێزێ یەكەیەكی میتی توركیا جێگیركراون. هێزەكانی پاراستنیش بە بەردەوامی هاوكاریی ئەو تیمە سیخوڕییەی میت دەكات.
لە كۆتایی راپۆرتەكەی فورات نیوزدا هاتووە: تیمە سیخوڕییەكانی میت بە پشتیوانیی بنكە سەربازییەكانی زێرەڤانی و هاوكاریی پاراستن رۆژانە سیخوڕی بەسەر ئەو ناوچەیەوە دەكەن و چاودێریی هاووڵاتیان و جموجوڵەكانی ئەو سنوورە دەكەن. لە تەنیشت ئەو شوێنەش ناوەندێكی هێزەكانی ئێران بوونی هەیە.
 

‌ 550 جار بینراوه‌
9/21/2018 11:18:37 PM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved