»  کوردستان
بۆ ئاسایی كردنەوەی دۆخی كەركوك پارتی وەڵامی یەكێتی ناداتەوە


تاوەكو ئێٍستا لیژنەكەی یەكێتی و پارتی كە لە كۆبونەوەی مەكتەبی سیاسیی هەردوو حزب دەستنیشانكران بۆ ئاسایكردنەوەی دۆخی كەركوك، تەنها یەك كۆبونەوەیان ئەنجامداوە، ئەندامێكی یەكێتیش لە وەفدە رایدەگەیەنێت:"هۆكاری ئەنجامنەدانی كۆبونەوەكە نازانین". 
رزگار عەلی، ئەندامی مەكتەبی سیاسیی یەكێتی نشتیمانی كوردستان، لە لێدوانێكیدا بۆ هەواڵ رایگەیاند:"ئەو لیژنەیەی بۆ ئاسایی كردنەوی دۆخی كەركوك لەلایەن یەكێتی و پارتیەوە دانراوە تەنها یەك كۆبونەوەی ئەنجامداوە"، ئەوەشیخستەڕوو:"لە ئێستادا چاوەروانی وەڵامی برادەرانی پارتی دەكەین بۆ ئەنجامدانی كۆبونەوەی دووەم دەربارەی ئەو پرسە". 
ئەو ئەندامەی مەكتەبی سیاسیی یەكێتی نشتیمانی كوردستان، راشیگەیاند:"هۆكاری  ئەنجامنەدانی كۆبوونەوەكە نازانین و ئێمە چاوەروانی ئەوانین بۆ ئەوەی كۆببینەوە". 
جێی باسە لە دواین كۆبونەوەی مەكتەبیی سیاسی یەكێتی نیشتیمانی كوردستان و پارتی دیموكراتی كوردستان، لیژنەیەكی چوار كەسی كە پێكهاتبوون لە هەریەكە لە رزگار عەلی ئەندامی مەكتەبی سیاسیی یەكێتی و  خالید شوانی ئەندامی ئەنجومەنی سەركردایەتی لە یەكێتی و كەمال كەركوكی ئەندامی مەكتەبی سیاسیی پارتی و محەمەد خورشید ئەندامی سەركردایەتی پارتی ، بۆ ئاساییكردنەوەی دۆخی كەركوك.

‌ 697 جار بینراوه‌
9/21/2018 11:33:46 PM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved