»  کوردستان
پارتی ئەنجومەنەكەی موسڵ كاراو ئەوەی كەركوك ئیفلیج دەكات



دوای ئەوەی سەرۆكی ئەنجومەنی پارێزگای نەینەوا كە لەسەر پشكی پارتی دیموكراتی كوردستان بوو، بووە ئەندامی ئەنجومەنی نوێنەران، لە ئێستادا ئەندامێكی هەمان حزب وەكو سەرۆكی ئەنجومەنەكە دەستنیشانكرا، لێپرسراوێكی راگەیاندنی یەكێتیش رایدەگەیەنێت:”پارتی سیاسەتی بانێك و دووهەوا لەنێوان كەركوك و موسڵ پیادە دەكات”.  
غیاس سورچی، لێپرسراوی راگەیاندنی مەڵبەندی نەینەوای یەكێتی نیشتیمانی كوردستان، لە لێدوانێكیدا بۆ (هەواڵ)، رایگەیاند:”دەستنیشانكردنەوەی ئەندامێكی ئەنجومەنی نەینەوا بۆ سەرۆكایەتی ئەنجومەنەكە لەلایەن پارتیەوە سیاسەتی بانێك و دوو هەوایە”، ئەوەشیخستەڕوو:” پارتی لە كەركوك ئەندامانی نانێریتە ئەنجومەن كەچی لە موسڵیش شەڕ لەسەر ئەو پۆستە دەكەن”. 
بەوتەی لێپرسراوی مەڵبەندی نەینەوای یەكێتی نیشتیمانی كوردستان، ئەو كارانەی پارتی لە موسڵ و كەركوك  تەنها بۆ دژایەتیكردنی یەكێتییە، هەروەها باسی لەوەشكرد:”ئەو هێزانەی پارتی لە كەركوك پێیان دەڵێت داگیركەر بە رێژەی 75% لە موسڵن و تەنها 25% لە كەركوكن”. 
هاوكات غیاس سورچی، ئاماژەی بۆ ئەوەشكرد:”كۆمەڵانی خەڵك لەو سیاسەتەی پارتی تێگەیشتوون كە تەنها بۆ موزایەدە ئەو كارانە دەكات لە كەركوك بۆ ئەوەی جەماوەری خۆی زیاد بكات”.


‌ 669 جار بینراوه‌
9/29/2018 9:35:47 AM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved