»  وەرزش
بۆكسێنی سەورە ركابەری لەسەر پاڵەوانێتی عێراق دەكات



بڕیارە  رۆژی 11/10ی داهاتوو پاڵەوانێی بۆكسێنی یانەكانی عێراق بۆ ئاستی پێشكەوتووان لە شاری بەغداد بەڕێوەبچێت و یانەی سەورەی كەركوكیش بە مەبەستی ركابەریكردن خۆی ئامادە دەكات.
 تۆفیق جەلیل راهێنەری تیپی بۆكسێنی یانەی سەورە سەبارەت بە ئامادەكارییەكانیان بۆ (هەواڵ) وتی: “ وەكو تیپی بۆكسێنی یانەی سەورە لە پشووی هاوینەدا جگە لە كردنەوەی خولی فێركردن بەردەوام بووینە لە راهێنان “.
وتیشی:” پاڵەوانێتیەكە بۆ ئاستی پێگەیشتووان دەبێت و لە 11 كێش پێكدێت و تا ئێستا ژمارەی ئەو كێشانەی بەشداری تێدادەكەن دیار نیە، چونكە بەندە بە ڕەزامەندی دەستەی كارگێری یانەكە “. 
راهێنەری بۆكسێنی یانەی سەورە ئاماژەی بەوشكرد:” لە بەشداریكردندا ئامانجیان ركابەریكردنە لەسەر ئەنجامە باشەكان و تووانای باشیان هەیە بۆ ئەو مەبەستە “.

‌ 282 جار بینراوه‌
9/29/2018 9:59:21 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved