»  کوردستان
فڕۆكەخانەی كەركوك بێ بوونی بیناو كارمەند دەكرێتەوە


فڕۆكەخانەی كەركوك بە بێ بوونی مەرج و ستانداری نێوەدەوڵەتی دەكرێتەوەو ئەندامێكی ئەنجومەنی پارێزگاش دەڵێت “تاوەكو ئێستا هیچ بینایەك دروستنەكراوە و كارمەندیش بۆ فڕۆكەخانەكە دانەمەزراوە”. 
جەمال مەولود، ئەندامی ئەنجومەنی پارێزگای كەركوك، لە لێدوانێكیدا بۆ (هەواڵ)، رایگەیاند:”كردنەوەی فڕۆكەخانەی كەركوك، تەنها مەبەستی راگەیاندن بووە ئەگینا هیچ هەنگاوێكی لەبارەوە نەنراوە”، ئەوەشیخستەڕوو:”تاوەكو ئێستا هیچ بینایەك دروستنەكراوە و كارمەندیش بۆ فڕۆكەخانەكە دانەمەزراوە”. 
بەوتەی ئەو ئەندامەی ئەنجومەنی پارێزگای كەركوك، تاوەكو ئێستا هیچ هەنگاوێكی كرداری لەبارەی فڕۆكەخانەكەوە نەچۆتە بواری جێبەجێكردنەوە، هەروەها باسی لەوەشكرد:”تەنانەت هیچ وەبەرهێنەرێكیش بۆ ئەو مەبەستە دیاری نەكراوە تاوەكو ئەركی جێبەجێكردنی بیناكانی فڕۆكەخانەكە لە ئەستۆ بگرێت”.
جەمال مەولود، ئاماژەی بۆ ئەوەشكرد:”مەبەست لە كردنەوەی ئەو فڕۆكەخانەیە بەشێوەیەكی كتوپڕ و بەپەلەپەل تەنها بۆ مەبەستی راگەیاندن بووە و بۆ ئەوەی وەزارەتی گواستنەوە بیكاتە دەستكەوتی خۆی و بڵێت لەسەردەمی مندا ئەو فڕۆكەخانەیە جێبەجێكراوە”.

‌ 581 جار بینراوه‌
10/6/2018 9:01:27 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved