»  کوردستان
پەرلەمانتارێكی پێشوو: سەركردایەتی كورد لە روویان نایەت بڵێن وازمان لە كەركوك هێناوە


ئەندامێكی خولی پێشووی پەرلەمانی عێراق لەسەر فراكسیۆنی یەكێتی رایگەیاند، سەركردایەتی كورد وازیان لە كەركوك هێناوە بەڵام لەڕوویان نایەت رایبگەیەنن و ئێستا سنوری هەرێمی كوردستان لەگەڵ عێراق گوندەكانی كەڵوڕ و چیمەنە، نەوەك زنجیرە چیای حەمرین.
شوان داودی لە لێدوانێكدا بۆ رادیۆی دەنگی ئەمریكا، باس لەوەدەكات سەركردایەتی سیاسی كورد بە هەموو لایەنەكانەوە لە پرسی كەركوكدا راستگۆ نین، پرسی كەركوكیان بەكارهێناوە بۆ خۆشگوزەرانی هەرێمی كوردستان، یان لەنێوان خۆیاندا بۆ موزایەداتی سیاسی بەكاریدەهێنن، باجەكەشی كوردی كەركوك داویەتی.
دەشڵێت “ئەندامەكانی پارتی لە ئەنجومەنی پارێزگای كەركوك دەوام ناكەن، بەڵام موچەی مانگانە وەردەگرن.”
روونیشیكردەوە، سنوری نێوان هەرێم و عێراق گۆڕانكاری بەسەردا هات بە تایبەتی دوای رێككەوتنی نێوان حكومەتی بەغدا و هەولێر و دوای ریفراندۆمی ٢٠١٧، ئەوەش كاتێك گومرگی فەرمی حكومەتی عێراق هێنرایەوە سەر چیمەن بۆ سنوری پارێزگای سلێمانی و گوندی كەڵوڕ بۆ سنوری هەولێر، ئەوە سنوورەكەیە، نەوەكو زنجیرە چیای حەمرین.
باسی لەوەشكرد، خەڵكی كەركوك یەك كیلۆ تەماتە لە هەولێر یان سلێمانییەوە ببەن بۆ كەركوك دەبێت گومرگ بدەن، حسابی سنووری نێودەوڵەتی بۆ كراوە و جیا كراوەتەوە، “سەركردایەتی كورد وازیان لە كەركوك هێناوە، بەڵام لەروویان نایەت ئەوە رابگەیەنن.”

‌ 1018 جار بینراوه‌
10/13/2018 7:40:10 AM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved