»  وەرزش
شێخ ستار بەسەرۆكی فەخری یانەی سۆلاف دادەنرێت


یانەی سۆلاف دوای ئەنجامدانی پرۆسەی هەڵبژاردنی دەستەی كارگێڕی یانەكە پۆستەكانی دابەشكردو ئازاد فاتیح بەسەرۆكی نوێی یانەكە دیاری كرا .
سەبارەت بە پۆستەكان و پلانی كاری یانەكە بۆ داهاتوو، ئازاد فاتیح سەرۆكی  یانەی وەرزشی سۆلاف، بۆ (هەواڵ) وتی:” دوای ئەنجامدای پرۆسەی هەڵبژاردنی دەستەی كارگێڕی نوێ و دابەشكردنی پۆستەكانی یانەكە لە دوایین كۆبونەوەی خۆیدا دەستەی كارگێری یانەكە، بڕیاردرا شێخ ستار بەرزنجی بە سەرۆكی فەخری یانەكە دانێت،  ئەم بڕیارەش وەكو رێزلێنانێكە بۆ ئەو خزمەتەی پێشكەشی یانەكەی كردووە هەر لە سەرەتا دامەزراندنی یانەكە وەكو دەستەی دامەزرێنەر و دواتر وەكو سەرۆكی یانەكە “. 
سەرۆكی یانەی سۆلاف ئەوەشی خستەڕوو:”  دەستەی كارگێڕی یانەكە بریاریدا بە دروستكردنی لیژنەیەكی راوێژكاری كە پێكهاتووە لە چەند كەسایەتییەكی بە ئەزموون و دیاری  بوارەكانی كارگێڕی و هونەری و ئەكادیمی، ئەوەش  ئامانج لێی پێشكەشكردنی پێشنیار و راوێژە لەڕێی كۆبوەنەوەی دەوری بۆ یانەكە بۆ زیاتر كاراكردنەوەو بەرەوپێش بردنی یانەكە “. 
ئازاد فاتیح ئاماژەی بۆ ئەوەشكرد:” لیژنەی راوێژكارییەكە پێكهاتووە لە هەریەك لە (مامۆستا جەلال ئیبراهیم و دكتۆر رامیار سابیر و نیهاد رەشید)” .

‌ 821 جار بینراوه‌
10/13/2018 8:03:33 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved