نوێترین
100 كه‌سایه‌تی داوا ده‌كه‌ن كه‌یسی 16ی ئۆكتۆبه‌ر ببرێته‌ دادگا   |    سوپای عێراق چه‌ند شوێنه‌وارێكی كه‌ركوك ده‌كاته‌ شوێنی مانه‌وه‌ی سه‌ربازه‌كانی   |    حوكمی حه‌وت ساڵ زیندانی بۆ سێ كارمه‌ندی تاپۆ له‌ كه‌ركوك ده‌رده‌كرێت   |    (45) هه‌زار منداڵ له‌ژێر ركێفی داعش له‌دایكبوونه‌   |    یه‌كه‌مین وه‌زیری حكومه‌تی هه‌رێم له‌دوای 16ی ئۆكتۆبه‌ره‌وه‌ سه‌ردانی كه‌ركوكی كرد    |    به‌به‌شداری سلێمانی فێستیڤاڵی ڕاگه‌یاندنی كوردی له‌ سنه‌ به‌ڕێوه‌چوو   |    (45) هه‌زار منداڵ له‌ژێر ركێفی داعش له‌دایكبوونه‌   |    لیژنه‌ی كشتوكاڵ: رێگری له‌ هاورده‌كردنی ئه‌و به‌رهه‌مانه‌ ناكه‌ین كه‌ له‌ناوخۆ به‌رهه‌مناهێنرێن   |    په‌رله‌مان كار بۆ به‌رزكردنه‌وه‌ی مووچه‌ی كرێكاران ده‌كات   |    لیژنه‌ی خزمه‌تگوزاری داواده‌كات فۆرمی خۆراك نه‌مێنێت و هاوڵاتیان له‌جێی قه‌ره‌بوو بكرێنه‌وه‌   |   
كوردی  |   عربي
»  کاتژمێر یازدە
پارتی بە پاسێكی توركی دەگەڕێتەوە كەركوك
شوان داودى



هەفتەی رابردوو پێشكەوتنی بەرچاو لە گفتوگۆی نێوان پێكهاتەكانی كەركوك بۆ ئاساییكردنەوەی دۆخی شارەكە هاتە كایەوە، ئەم پێشكەوتنانەش لە راگەیاندنەكان دەنگی دایەوە، هاوكات هەر لەو هەفتەیەدا یەكەمین ساڵوەگەڕی رووداوەكانی (16)ـی ئۆكتۆبەری شووم بوو، هەر بۆیە نەیارانی كەركوك و ئەو هێزانەی بە نەفەسی تۆڵەكردنەوە لە كەركوكییەكان كاردەكەن، ئەو دەرفەتەیان قۆستەوە بۆ لێدانی ئەو رێككەوتنانەی كە لە نێوان پێكهاتەكاندا لە ئارادایەو هەموو هەوڵەكانیان خستەگەڕ بۆ ئاستەنگ دروستكردن و لەمپەر خستنە پێش گفتوگۆكان.
ئاشكرایە پاراتی دیموكراتی كوردستان ماوەی ساڵێكە كەركوكی جێهێشتووەو (جگە لە ئاراستەكردنی هەوادارانی بەدەنگدان بە ژمارەیەك كاندیدی نزیك لە پارتی لە ناو لیستی كۆتاكان)، بەشداری لە هەڵبژاردنەكانی 12ی مایسی رابردووی نەكرد بەو بیانووەی كەركوك شارێكی داگیركراوە لە كاتێكدا لەگەڵ داگیركەرەكاندا سەرقاڵی تەوافوقات و رێككەوتن و هاوبەشی كردنن لە بەغداو لە ماوەی ئەو ساڵەدا رێگری كردووە لەوەی لیستی برایەتی كە زۆرینەی ئەنجومەنی پارێزگای هەیە كۆبوونەوە گرێ بدات بۆ چارەسەركردنی گرفتەكان.
دوای بڵاوبوونەوەی ئەو دەنگۆیانە كە یەكێتی لەگەڵ پێكهاتەكانی تردا لە رێككەوتن نزیك بۆتەوە، لەو هەفتەیەدا پارتی بە خشكەیی دەستی بە گەڕانەوەی بەڕێوەبەرەكانی كرد لە شارەكە.
دوای ئەوەش كە بێئومێد بوو لەوەی كە چیتر یەكێتی چاوەڕێی ناكات و ئەو دانوستانانە راناگرێت و ناكشێتەوە، هەوڵی ئەوەی داوە لە رێگەی توركیاوە ئاستەنگ بۆ پرۆسەكە دروست بكات، هەر بەو بۆنەیەوە چوارشەممەی رابردوو 17ی ئۆكتۆبەر لەسەر داوای پارتی و بە نێوەندگیری توركیا، وەفدێكی بەرەی توركمانی بەسەرۆكایەتی ئەرشەد ساڵحی سەرۆكی بەرەكە سەردانی بارزانی دەكەن بۆ تاوتوێكردنی ئەو پرسە.
یەكێتی نیشتیمانی كوردستان هیچ كات لاری نەبووە لە بەشداری پێكردنی پارتی و ماوەی ساڵێكە چاوەڕوانی پارتییە بۆ هاتنە پێش، بەڵام خۆی نەهاتووە، ئێستاش بۆ بەشداری پێكردنی پارتی لە ئیدارەدانی شارەكە لاری نییە بە پێی قەبارەی خۆی، بەڵام خۆشتر بوو هاتنەوەی برادەرانی پارتی بۆ شاری كەركوك و  بەشداریكردنی لە پرۆسەی سیاسی شارەكە لە رێگەی تەوافوقی كوردی و لیستی برایەتی نێو ئەنجومەنی پارێزگەوە بوایە، نەك لە رێگەی توركیاو بەرەی توركمانییەوە، كە گومان لای خەڵكی كەركوك لە تەوقیت و مەرامی گەڕانەوەكەیان دروست دەكات.
‌ 1619 جار بینراوه‌
10/19/2018 11:09:01 PM
Print Friendly and PDF
بابەتی زیاتر ...
بورهان حاجی سلێمان
شوان داودی - گۆشه‌ی له‌ژێ چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved