نوێترین
100 كه‌سایه‌تی داوا ده‌كه‌ن كه‌یسی 16ی ئۆكتۆبه‌ر ببرێته‌ دادگا   |    سوپای عێراق چه‌ند شوێنه‌وارێكی كه‌ركوك ده‌كاته‌ شوێنی مانه‌وه‌ی سه‌ربازه‌كانی   |    حوكمی حه‌وت ساڵ زیندانی بۆ سێ كارمه‌ندی تاپۆ له‌ كه‌ركوك ده‌رده‌كرێت   |    (45) هه‌زار منداڵ له‌ژێر ركێفی داعش له‌دایكبوونه‌   |    یه‌كه‌مین وه‌زیری حكومه‌تی هه‌رێم له‌دوای 16ی ئۆكتۆبه‌ره‌وه‌ سه‌ردانی كه‌ركوكی كرد    |    به‌به‌شداری سلێمانی فێستیڤاڵی ڕاگه‌یاندنی كوردی له‌ سنه‌ به‌ڕێوه‌چوو   |    (45) هه‌زار منداڵ له‌ژێر ركێفی داعش له‌دایكبوونه‌   |    لیژنه‌ی كشتوكاڵ: رێگری له‌ هاورده‌كردنی ئه‌و به‌رهه‌مانه‌ ناكه‌ین كه‌ له‌ناوخۆ به‌رهه‌مناهێنرێن   |    په‌رله‌مان كار بۆ به‌رزكردنه‌وه‌ی مووچه‌ی كرێكاران ده‌كات   |    لیژنه‌ی خزمه‌تگوزاری داواده‌كات فۆرمی خۆراك نه‌مێنێت و هاوڵاتیان له‌جێی قه‌ره‌بوو بكرێنه‌وه‌   |   
كوردی  |   عربي
»  وتاری هەفتە
كاتێك میدیا دەڕشێتەوە!
بورهان حاجی سلێمان


لەگەڵ یادكردنەوەی هەر روداو و كارەساتێكی نەتەوەیی و نیشتمانی، راگەیاندنی زۆربەی حیزبە كوردییەكان بە راگەیاندنی رەسمی و راگەیاندنی سێبەرەوە، بەو حیزبانەی راستەوخۆ پەیوەندییان  بە پرسەكەوە هەیەو  ئەوانەشی پەیوەندییان پێوە نییە، بە موعارەزەو موالاتەوە، لە هەموو مۆڕاڵ و پرەنسیپ و بنەماكانی راگەیاندنێكی بەرپرس و پیشەگەر دادەماڵرێن و رووی راستەقینەی بوغزو كینەی حیزبی كۆمەككاریان نیشاندەدەن و ململانێیەكی سیاسی قێزەون بۆ ناو ماڵەكانی تاك بە تاكی كۆمەڵگەی كوردی دەگوازنەوە.
ئەوەی لەسەروبەندی یەكەمین ساڵیادی رووداوەكانی (16)ـی ئۆكتۆبەردا لە میدیای كوردی بینرا، نەك جێگەی نیگەرانی، بەڵكو مایەی شەرمەزاریش بوو بۆ توێژی رۆژنامەنووسان و راگەیاندنكاران، شاشەی تەلەفزیۆنی وەگەڕخراو بەپارەو نەوتی میللەت بوو بە زبڵدانێكی گەورەو بۆنی پیسی تەخوین و پەردەپۆشكردنی شكستییەكانی مرۆڤی كاس دەكرد.. ئەو میدیایانە لە بری كۆڵینەوە لە هۆكاری كارەساتەكان و ساڕێژكردنی برینەكان پاساویان بۆ هەڵەو كەللەڕەقی سەركردەكانیان دەهێنایەوەو برینەكانی جەستەی نیشتمانیان دەكولاندەوە.
رەنگە لەناو زۆربەی ئەو راگەیاندنەدا (لەگەڵ سەرجەم تێبینییەكانم لەسەری)، میدیای یەكێتی لەوانی تر باشتر بووبێت، چونكە هیچ پلانێكی ئیعلامی بۆ بۆنەكە ئامادەنەكردبوو، بەڵكو چاوەڕێی ئەوەبوو بزانێت میدیای بەرانبەر لەو رۆژەدا چۆن كاردەكات، ئەوجا ئەمیش تۆڵە بە تۆڵەی لەگەڵدا بكات!! كە ئەمەش ئەوەندەی كاردانەوەیە ئەوەندە پرەنسیپی كارو ئاراستە نییە.
من پێم سەیرە هەر ئەو میدیایانە سبەی كە دەستی سەركردەكانیان لەناو دەستی ئەوانە دەبینن كە ئێستا بە خیانەت ناوی دەبەن، چۆن دەتوانن باسی یەكڕیزی نێو ماڵی كوردو گرنگی رێكەوتنەكانیان بۆ وەرگری كوردی بكەن؟!
لە غیابی بەربەستەی ئەخلاقی و دامودەزگای كاریگەرو هێزی سەپێنەری یاساو رێساكاندا، ئێستا راگەیاندنی كوردی، جگە لە بەشێكی سەرەكی لەم فەوزا نیشتمانی و نەتەوەیی ئینسانیەی هەرێمدا هیچی دیكە نییە، میدیایەك هیچی پێ نەبێت بۆ چارەسەركردنی كێشەكان و وروژاندنی بابەتیانەی پرسەكان جگە لە قووڵكردنەوەی زامەكان و خۆشكردنی ئاگرەكان.. میدیایەك نەتوانێ زمانی گوتاری خۆی لەگەڵ راگەیاندنی حیزبی كۆمەككاریدا تۆزقاڵێك جودابكاتەوە.. میدیایەك بەتەواوی و لە پڕێكدا لەگەڵ سیاسەتی حیزبەكەی (180) پلە ئاراستەو زمان و رەنگ و دەنگی بگۆڕێت، بە هیچ شێوەیەك چاوەڕێی لێ ناكرێت وەكو دەسەڵاتی چوارەم گۆڕانكاری ئەرێنی لە كۆمەڵگەدا دروست بكات، چونكە كاتێك میدیا دەڕشێتەوە، مرۆڤەكان پشتی تێدەكەن!


‌ 1829 جار بینراوه‌
10/19/2018 11:23:43 PM
Print Friendly and PDF
بابەتی زیاتر ...
بورهان حاجی سلێمان
شوان داودی - گۆشه‌ی له‌ژێ چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved