»  کوردستان
راكان جبوری كـورد و توركمان لـە كۆبوونەوەی كوتلەكان پەراوێزدەخات


راكان جبوری داوای كۆبونەوەی لایەنەكانی شارەكە دەكات بۆ گفتوگۆكردن دەربارەی شارەكەو جارێكی دیكەش لایەنی كوردی و توركمانی شارەكەی پەراوێزخست. 
راكان جبوری پارێزگاری بە وەكالەتی كەركوك و كۆمەڵەی عەرەبی لە ئەنجومەنی پارێزگای كەركوك، بانگهێشتی لایەنە سیاسیە عەرەبیەكانی شارەكە دەكەن بۆ كۆبونەوەیەكی خێراو گفتوگۆكردن لەسەر دۆخی ئێستاو رێككەوتنی هاوبەش لەسەر تاوتوێكردنی پێشهاتەكانی ئایندە لە شارەكە.
بەپێی ئەو نوسراوەی دەستی (هەواڵ) كەوتووە، راكان جبوری و كۆمەڵەی عەرەبی، تەنها بانگهێشتی 16 حزبی سیاسییان كردووە كە سەرجەمیان لایەنی سیاسی عەرەبین و بەهیچ شێوەیەك بانگهێشتی حزب و لایەنە سیاسییە كوردی و توركمانەكانی شارەكە نەكراوە. 
هاوكات بەپێی وتەی چاودێرانیش ئەو هەوڵەی راكان جبوری و كۆمەڵەی عەرەبی، بەردەوامیدانە بە كارە تاكڕەوەییەكانی و پەراوێزخستنی كوردو توركمانی شارەكەیە. 
جێی باسە ئەو گفتوگۆیە وابڕیارە ئەمڕۆ شەممە كاتژمێر (10)ـی بەیانی لە هۆڵی هۆتێلی پلازمای شارەكە بەڕێوەبچێت.

‌ 818 جار بینراوه‌
10/19/2018 11:27:17 PM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved