نوێترین
100 كه‌سایه‌تی داوا ده‌كه‌ن كه‌یسی 16ی ئۆكتۆبه‌ر ببرێته‌ دادگا   |    سوپای عێراق چه‌ند شوێنه‌وارێكی كه‌ركوك ده‌كاته‌ شوێنی مانه‌وه‌ی سه‌ربازه‌كانی   |    حوكمی حه‌وت ساڵ زیندانی بۆ سێ كارمه‌ندی تاپۆ له‌ كه‌ركوك ده‌رده‌كرێت   |    (45) هه‌زار منداڵ له‌ژێر ركێفی داعش له‌دایكبوونه‌   |    یه‌كه‌مین وه‌زیری حكومه‌تی هه‌رێم له‌دوای 16ی ئۆكتۆبه‌ره‌وه‌ سه‌ردانی كه‌ركوكی كرد    |    به‌به‌شداری سلێمانی فێستیڤاڵی ڕاگه‌یاندنی كوردی له‌ سنه‌ به‌ڕێوه‌چوو   |    (45) هه‌زار منداڵ له‌ژێر ركێفی داعش له‌دایكبوونه‌   |    لیژنه‌ی كشتوكاڵ: رێگری له‌ هاورده‌كردنی ئه‌و به‌رهه‌مانه‌ ناكه‌ین كه‌ له‌ناوخۆ به‌رهه‌مناهێنرێن   |    په‌رله‌مان كار بۆ به‌رزكردنه‌وه‌ی مووچه‌ی كرێكاران ده‌كات   |    لیژنه‌ی خزمه‌تگوزاری داواده‌كات فۆرمی خۆراك نه‌مێنێت و هاوڵاتیان له‌جێی قه‌ره‌بوو بكرێنه‌وه‌   |   
كوردی  |   عربي
»  کاتژمێر یازدە
بە هاتنی مەهدی-ش ماڵی كورد رێكناخرێتەوە
شوان داودى



هەفتەی رابردوو گەرمترین هەفتەی پێكهێنانی حكومەتەكەی عادل عەبدولمەهدی بوو، كە ماوەیەكە كورد كەلعادە كەوتۆتە ژێر كاریگەری عاتیفەی ئەوەی گوایە عەبدولمەهدی دۆستمانەو كۆمەڵێ هیوای لەسەر هەڵچنراوە بۆ كۆتاییهێنان بە كێشەكانی نێوان هەرێم و بەغدا، هەر وەك بە دێڕێك لە كارنامەكەیدا ئاماژەی پێكردووە.
عادل عەبدولمەهدی سەرۆك وەزیرانی راسپێردراو هیچی پێناكرێت بۆ كۆتاییهێنان بەو كێش قوڵانەی نێوان هەرێم و بەغدا لەبەر دوو رەگەزی سەرەكی:
یەكەمیان، كۆتاییهاتن بەو كێشانە پێویستی بە دروستبوونی قەناعەتە لەلایەن سەرجەم ئەو هێزو لایەنانەی كە بەشدارن لە حكومەتەكەی عەبدولمەهدی.
دووەمیش، پەیوەستە بە یەكگوتاری و یەكهەڵوێستی كوردەوە سەبارەت بەو كێشانەو چۆنێتی چارەسەركردنیان، بەداخەوە لەم كات و ساتەدا هەردوو رەگەزەكە بوونیان نییە، نە ئەو هێزانەی حكومەتەكەی عەبدولمەهدییان پێكهێناوە قەناعەتیان بە خواستەكانی كورد هەیە وەك ئەوەی كە كورد خۆی دەیەوێت، نە كوردیش یەكهەڵوێست و یەكدەنگە چ لە هەرێم و چ لە بەغداش، چۆنێتی بەشداری كوردیش لەم قۆناغەدا بە بەراورد لەگەڵ قۆناغەكانی رابردوودا لاوازترو خراپترینیانە، چونكە ستراتیژی كوردی لە دوای پرۆسەی ئازادی و بە بوونی مام جەلال لە بەغدا ستراتیژێكی نەتەوەیی روون بوو، بەڵام لە خولی رابردوودا ئەو ستراتیژە بووە حیزبی و لەم خولەشدا دابەزیوەتە ئاستی كەسیی.
لەگەڵ ئەوەشدا كورد لەم قۆناغە ئەوەندە شڵەژاوو سەر لێشێواوە، نازانێت لە بەغدا چی دەوێت، هەر بۆیە هەموو هەوڵ  ئامانجەكانیان چڕكردۆتەوە لە بەدەستهێنانی چەند پۆستێكدا بۆ چەند كەسێكی دیاریكراو و ململانێكانیان لە شكاندنی یەكترو بردنەوەی پۆستێك لەسەر حیسابی ئەویتر چڕكردۆتەوەو لەسەر بنەمای كاردانەوەو كۆنە قین و تۆڵە كردنەوە بونیادناوە، بۆیە من رەشبینم و پێموایە نەك بە هاتنی عەولمەهدی بە هاتنی مەهدیش ماڵی پەرتەوازەی كورد رێكناخرێتەوە!

 
‌ 1313 جار بینراوه‌
10/26/2018 10:35:47 PM
Print Friendly and PDF
بابەتی زیاتر ...
بورهان حاجی سلێمان
شوان داودی - گۆشه‌ی له‌ژێ چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved