»  کوردستان
وارسی شەهیدانی كەركوك لە وەرگرتنی زەوی بێبەش دەبن


بەهۆكاری ئەوەی كەركوك لە دەرەوەی ئیدارەی هەرێمە، كەسوكاری شەهیدانی كەركوك لە وەرگرتنی زەوی بێبەش دەبن.  
خەلیل رەحیم، بەڕێوبەری بەڕێوبەرایەتی كاروباری شەهیدان و ئەنفالكراوانی كەركوك، لە لێدوانێكیدا بۆ (هەواڵ)، رایگەیاند:”بە بڕیارێكی سەرۆك وەزیرانی هەرێمی كوردستان كە لە رابردوودا دەریكردووە كەسوكاری شەهیدان پێویستە لە شوێنی نیشتەجێبونی خۆیان زەوییان پێبدرێت”، ئەوەشیخستەڕوو:”بەڵام بەهۆی ئەوەی كەركوك و ناوچە دابریَِندراوەكانی دیكە لەرووی ئیدارییەوە سەر بە هەرێمی كوردستان نین، كەسوكاری شەهیدان  بێبەشبوونە لە وەرگرتنی زەوی”. 
بەوتەی بەڕێوبەری بەڕێوبەرایەتی كاروباری شەهیدان و ئەنفالكراوانی كەركوك، هەوڵەكانیان چڕكردۆتەوە بۆ ئەوەی چیدیكە كەسوكاری شەهیدو ئەنفالكراوانی كەركوك بێبەش نەبن لە زەوی و لە نزیكترین شوێن كە چەمچەماڵە زەویان پێبدرێت، باسی لەوەشكرد:”لە ساڵی 2009 وە هیچ كەسوكاری شەهیدانی كەركوك زەوی پێنەدراوە لە كاتێكدا كەسوكاری شەهیدانی ناوچەكانی دیكەی هەرێم زەویان پێدراوە”. 
خەلیل رەحیم، ئاماژەی بۆ ئەوەشكرد:”پێویستە ئەو بڕیارە پێداچوونەوەی پێبكرێت، چونكە ناكرێت كەركوكییەكان لەو مافەی خۆیان بێبەش بن”.

‌ 1148 جار بینراوه‌
10/26/2018 10:49:28 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved