»  پەڕەموچ
نەتبینم..
شادە عەلی

وەك شەونمێكی دەمەوشێوان
لەسەر سینەت سەرم دانا
لە خەوێكی قوڵدا بووی 
باوەشم بۆت كردبووە لانكە
ورد، دەمڕوانییە ڕووخسارت و
هەستم بە بوونت دەكرد
لێوەكانت پڕ بوون
شیری عەشقت لێی دەچۆڕا بۆم

بۆنت دەكەم، بە بۆنت ئارامم 
بە بۆنت دەتناسم
بە خەیاڵ، لەناو خەونەكانت توامەوە
بووم بە دڵۆپێ ئاو
لە دڵما وتم 
قەدەر، تۆ چیت كردووە بۆم 

بڵێی.. 
خواوەند تۆی دروست كردبێ
بۆ خۆشەویستی من؟
خۆشم ئەوێت
غیرە دەكەم لە خۆشەویستیمان
ڕەنگی ڕەش
دەتكا، لە زووخاوی كلی ڕەشی 
چاوانم 
ڕەنگی ڕەشی جێهێشت 
بە نهێنی، لەسەر سینەت فرمێسكم

‌ 323 جار بینراوه‌
11/1/2018 11:44:35 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved