»  باران
ئه‌و هۆكارانه‌ی پیاو له‌ ژن دوور ده‌خه‌نه‌وه‌
ئا / ستار ئه‌حمه‌د

 

 كوڕان چه‌ندین خه‌ون و خولیاو خواستیان هه‌یه‌و به‌دوایدا ده‌گه‌ڕێن .ده‌یانه‌وێ له‌و كچه‌دا بیدۆزنه‌وه‌ كه‌په‌یوه‌ندی له‌گه‌ڵدا ده‌به‌ستن .ئه‌مه‌ش له‌كه‌سێكه‌وه‌ بۆ كه‌سێكی تر ده‌گۆڕێت “له‌سه‌ر كه‌سێتی و دیدو بۆچوونی كوڕه‌كه‌ وه‌ستاوه‌ .به‌ڵام هه‌ندێك خه‌سڵه‌تی دیاریكراو له‌هه‌ندێك ژندا هه‌یه‌. وا له‌پیاوان ده‌كه‌ن لێیان دووركه‌ونه‌وه‌، له‌وانه‌ :

# خۆسه‌پێن

پیاوان یه‌كسه‌ر هه‌ڵدێن له‌هه‌ڵسوكه‌وت كردن له‌گه‌ڵ ئافره‌تێكا خۆسه‌پێن بێت و بیه‌وێت ده‌سه‌ڵاتی خۆی به‌سه‌ر هه‌موو شتێكدا بسه‌پێنێت .له‌به‌ر ئه‌وه‌ی پیاو هه‌میشه‌ حه‌زی به‌وه‌یه‌ كه‌خۆی رابه‌رو حوكمڕانی هه‌موو په‌یوه‌ندییه‌كان بێت. هه‌تا ئه‌گه‌ر پیاوێكی دیموكراتیخواز بێت و حه‌زی به‌دانوستانیش هه‌بێت .ئه‌مه‌ش له‌ئافره‌تێكدا ده‌ست ناكه‌وێ .كه‌ ده‌یه‌وێت بۆچوونی خۆی بسه‌پێنێت پێش هه‌موو دانوستانێك .

# ره‌گه‌نیزـ سه‌رسه‌خت ـ كه‌لله‌ره‌ق

پیاو حه‌ز به‌ ژنی عیناد ناكات و ناتوانێت به‌هیچ شێوه‌یه‌ك هه‌ڵسوكه‌وت و مامه‌ڵه‌ی له‌گه‌ڵدا بكات .ئه‌م خه‌سڵه‌ته‌ بۆ هه‌ردوولا جوان نییه‌ “به‌تایبه‌تی بۆ مێینه‌ .

# تووڕه‌

تووڕه‌بوون و شاخان یه‌كێكه‌ له‌و سیفه‌تانه‌ی كه‌پیاو له‌مێینه‌دا حه‌زی پێناكات و به‌رگه‌ی ناگرێت .پیاو هه‌میشه‌ حه‌زی به‌ناسكی و هێمنییه‌ له‌ژناندا كاتێك پیاو نه‌یتوانی زاڵ بێت به‌سه‌ر تووڕه‌یی ژندا له‌كاتی كێشه‌یه‌كدا ..هیچ چاره‌ی نییه‌ لێی دوورده‌كه‌وێته‌وه‌ .

# وشكی

ژنی وشك و سارد له‌ده‌ربڕینی هه‌ست و نه‌ستا ..پیاو حه‌ز به‌چاره‌ی ناكات .ئه‌م خه‌سڵه‌ته‌ش هه‌میشه‌ دوای هاوسه‌رگیری ده‌رده‌كه‌وێت .ئه‌وكاته‌ پیاو هه‌ست ده‌كات له‌به‌ر به‌ربه‌ستێكا راوه‌ستاوه‌ .نه‌ده‌توانێ هه‌سته‌كانی بۆ ده‌ربڕێت وه‌نه‌هه‌سته‌كانی بۆ پڕده‌كرێته‌وه‌ .بۆیه‌ ناتوانێت لێی نزیك بێته‌وه‌ و به‌ناچاری لێی دوورده‌كه‌وێته‌وه‌ .

# خۆپه‌رستی

ژن هێمای به‌خشینه‌ ..بۆیه‌ به‌عه‌قڵته‌وه‌ ناچێت .كه‌ده‌بینی تووشی كه‌سێكی خۆپه‌رست بوویته‌ .هه‌موو نێرینه‌یه‌ك له‌م جۆره‌ مێینانه‌ دوورده‌كه‌ونه‌وه‌ .چونكه‌ كه‌سی خۆپه‌رست ده‌یه‌وێت هه‌موو شتێك بۆئه‌و بێت “ بێئه‌وه‌ی بتوانێت خۆی شتێك ببه‌خشێت .ئه‌مه‌ش له‌هه‌موو په‌یوه‌ندیه‌كا ره‌ت ده‌كرێته‌وه‌ .به‌تایبه‌تی له‌په‌یوه‌ندیه‌كا كه‌هه‌تا هه‌تایه‌ دووكه‌س به‌یه‌كه‌وه‌ ببه‌ستێته‌وه‌ .

# خه‌مۆكی و ره‌شبینی

پیاو حه‌ز به‌ژنێك ناكات هه‌میشه‌ به‌دوای خه‌م و په‌ژاره‌دا بگه‌ڕێت و رووی خۆش نه‌بێت .له‌به‌رئه‌وه‌ی سروشتی پیاو له‌سروشتی ژن جوودایه‌ .چونكه‌ پیاو زۆر له‌كاته‌ ناخۆشه‌كان له‌بیرده‌كات .به‌ڵام ژن هه‌ستی به‌سه‌ریدا زاڵه‌و زیاد هه‌ستیاره‌ .

# په‌له‌كه‌ر ـ هه‌ڵه‌شه‌

پیاو رقی له‌ژنێك ده‌بێته‌وه‌ ..زوو له‌كاره‌كانیدا كاردانه‌وه‌ی هه‌بێت و به‌په‌له‌ بڕیار بدات .بێئه‌وه‌ی بیری لێبكاته‌وه‌”چونكه‌ ئه‌م جۆره‌ ژنانه‌ جێگه‌ی باوه‌ڕ نین و له‌كاتی هه‌ڵه‌شه‌ییدا دۆو دۆشاو تێكه‌ڵ ده‌كه‌ن .

# ته‌وه‌زه‌ل ـ ئیهمال

ئه‌و ژنه‌ی خۆی و ماڵو مناڵی پشت گوێ ده‌خات یان ئیهماله‌ له‌راگرتنی هه‌ستی پیاوه‌كه‌ی .كه‌سێكی بێزراوه‌ له‌لای پیاو .ناشرینترین خه‌سڵه‌ته‌ له‌ژندا .چونكه‌ ژن و پیاو یارمه‌تیده‌ری یه‌كترن و . ژیان بریتییه‌ له‌كۆمه‌ڵێك به‌رپرسیارێتی له‌نێوان ژن و پیاودا .

‌ 287 جار بینراوه‌
11/10/2018 1:29:29 AM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved