»  باران
ژن فرۆشتن بەردەوامە!!
ئارەزوو نوری


پاش ئەو هەموو هەوڵەی بۆ بنەبڕكردنی توندوتیژییەكانی دەرهەق بە ژنان و پێشێلكردنی مافەكانی ژنان دەكرێت و هەوڵدان بۆ هۆشیاركردنەوەی كۆمەڵگە سەبارەت بە مافی ژنان.. بەداخەوە دەركەوت هێشتا سەردەمی بەكۆیلەكردن و كۆیلایەتی هەر ماوەو زیاتر پەرەی سەندووەو بگرە خراپتریش!
بەهۆی شەڕی تیرۆرو باری خراپی وڵات و ئاوارەیی و باری ئابوری.. بارودۆخی ژیان و گوزەرانی خەڵك و بەتایبەتی ژنانی باشوری عێراق بەجۆرێك ئەستەم بووە كە هیچ هیوایەكیان بەخۆیان و مافەكانیان نەمابێت و ئامادەبن بۆ دابینكردنی ئارامگەیەك نەنگییەكانی ژیان قبوڵ بكەن.. كەسانێكی نەفس نزمیش ئەو بارودۆخەیان قۆستۆتەوەو بە مەبەستی كۆیلە كردن یان كڕین و فرۆشتن یاخود لەشفرۆشی یا بازرگانی كردن بە ئەندامی جەستەیان، فریویان دەدەن..
ماوەیەكە لێرەو لەوێ دەنگۆی ژن فرۆشتن بڵاو بووەتەوە بەجۆرێك، كە بووەتە جێی قسەو باسی نێو خەڵك و كۆمەڵ.. دەوترێت پاسێكی پڕ لە ژنی عەرەب لەگەڵ بەناو مەلایەك لە شوێنێكی گشتی رایدەگرن و هەڕاجی ژنان دەكەن و نرخیش لەسەر ژنەكان دانراون وەك ئەوەك كاڵایەك هەڕاج بكرێت نەك مرۆڤ!!
بەناو مەلایەكی ئایینیش خۆی دەگەڵیان داوە گوایە مارەیان دەبڕێت لە كڕیاڕەكان و دەیانكات بەهاوسەری ژیان!!
هەر پیاو بوو بەبیستنی ئەم هەواڵە خۆشی دەهات و خێرا خۆی كۆئەكردەوەو بەرەو شوێنی مەبەست دەڕۆشت تاوەكو بزانێ هیچی بەدڵ نابێت!! یا تەنها دیاربوو بە بینینی ئەو ژنانە دڵی ئاوی دەخواردەوە وەك ئەوەی چێژبەخش بوبێت بۆیان هەر بەشێوەی باسكردنیان بۆ ئەو نمایشە!!
بەداخەوە ئەمەیە كارەساتی ئەم وڵاتە، كە تا دێت بەرەو دواوە دەچێ و بەكۆیلەكردن و فرۆشتنی ژنان سەرهەڵبداتەوە و لایەنێك نەبێ ئەم دیاردە قێزەونە راگرێت! كاتێ پیاوێك مامەڵەی ژن كڕین بكات و بێ هیچ بەڵگەنامەیەكی یاسایی دەبێ لە كۆیلەكردنی زیاتری ئەو ژنە چ مەبەستێكی تری هەبێت.. كە هەموویشی بۆ چەند مانگێك پێكەوەبوون بەڕەڵای سەر شەقامەكانیان دەكەن و ئەوانیش بێ كەس و دەر تووشی سەدان هەڵەی ترو كەسانی خراپتر دەبن.. 
ئالێرەیە كە كۆمەڵگە بەو ئاقارەیان دەبات و ژیانیان بەرەو نەهامەتی زیاتر دەبات. دیارە كە بازرگانی بە ژن بووەتە دیاردەیەكی باوو هەر كەس و بەجۆرێك مامەڵەی پێوە دەكات.. بازرگانە، مەسئولە، میدیایە، دەسەڵاتی پیاوە.... هتد...كە هەموو ئەمانە توندوتیژییەكان بەرەو زیاتر دەبەن..
كاتێ هەندێك لە پیاوان پەیتا پەیتا بۆ ژن كڕین خۆیان هەڵپێچابوو باشە كەس نەبوو ئەو ماشێنە رابگرێت و بڵێ ستۆپ ئەوە ئێوە چی ئەكەن؟ كەسێك نەبوو رێیان لێ بگرێت و بڵێ خۆ ئەمە سەردەمی كۆیلایەتی نیەو ژن كاڵایەك نیە بۆ فرۆشتن؟!
ئەرێ خاڵێكی پشكنین نەیپرسی ئاخۆ ئەم هەموو ژنە كۆكراونەتەوە لەپای چی و بۆچی؟!

‌ 386 جار بینراوه‌
1/27/2019 2:30:35 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved