»  وەرزش
حەكیم شەمسەدین: یاریكردن لە شارەكەی خۆت ئاسودەترە بۆ یاریزان
هەواڵ


حەكیم شەمسەدین یاریزانی تیپی تۆپی پێی یانەی پێشمەرگەی سلێمانی،لەم چاوپێكەوتنەی ( هەواڵ) باس لە ئەزمون و ئاستی خۆی و یانەكەی دەكات و  سەرەتاش خۆی ناساند وتی: ناوم حەكیم شەمسەدینە و تەمەنم 26 ساڵە و دەرچووی كۆلێژی پەروەردەی وەرزشی و لە یەكەمەكانی كۆلیژەكەم بووم . 

*دەستپێكت لەگەڵ تۆپی پێ كەی و لە كوێ بوو ؟ 
*بێگومان سەرەتا لە تیپە مللیەكان بوو بەدەر لەوە، یەكەم هەنگاوم لەگەڵ تازەپێگەیشتووانی كەركوك بوو لە وەرزی 2007-2008 . 
* لە ژیانی وەرزشیتدا كێ زۆرترین كاریگەری لەسەر تۆ هەبووە؟
- كاپتن وشیار لە تیپی میللی ڤیڤیان كاریگەری زۆری هەبووە لە سەر ژیانی وەرزشیم و هاندەر و پاڵپشتم بووە .
* یەكەم یانە لە تیپی یەكەمی یاریت بۆ كرد كام یانە بوو ؟ 
-یانەی خاك بوو لە وەرزی 2011-2012 لە خولی كوردستان . 
* چەند وەرزێكە بۆ یانەكانی دەرەوەی كەركوك یاری دەكەیت، هیچ جیاوازی بەدی دەكەیت لە نێوان یاریكردن بۆ یانەیەكی شارەكەی خۆت و دەرەوەی ؟ 
-وەكو یاریزان جیاوازییەكی زۆر نابینم، چونكە هەمیشە دەبێت هەوڵ بدەیت، بەڵام بە بۆچوونی خۆم یاریكردن لە شارەكەی خۆت زیاتر ئاسودە دەبێت لە رووی مانەوەو گەشتكردن و هەروەها هاندەرانەوەش . 
*لەم وەرزی خولی نایابی كوردستان ، ئاستی یانەی پێشمەرگەی سلێمانی هەڵبەزین ودابەزینی پێوە دیارە هۆكارەكەی چیە ؟
- راستە ئاستی یانەكەمان بەو شێوەیە نەبوو كە خوازیار بوون، هەمووان بەر پرسیارن لێی ، چ یاریزانان بێت یان كارگێری .
*هیچ كات هەبووە لە یارییەكەدا ئاستت وەكو پێویست نەبووبێت و رەخنەت لە خۆت گرتبێت ؟ 
-بەلێ ، یاریزانیش مرۆڤە هەمیشە لە یەك ریتم و ئاستدا نابێت، لە یاری یانەكەمان بەرامبەر شێروانە ئەو ئاستەم پێشكەش نەكرد كە دەمویست پێشكەش بكەم.
* ئاستی تۆپی پێی كەركوك لەم وەرزەدا چۆن دەبینیت ؟
-بە شێوەیەكی گشتی چ وەكو یاریزان بێت یاخود تیپ لەم وەرزەدا بە باشتری دەبینم وەك لە وەرزی رابردوودا .





‌ 320 جار بینراوه‌
1/28/2019 11:27:01 AM
Print Friendly and PDF
بابەتی زیاتر ...
شوان داودی - له‌ژێر چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دلسۆز حه‌مه‌
؟؟؟؟؟؟؟؟؟؟؟؟؟؟؟؟؟؟؟؟
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved