»  وەرزش
هۆكاری كەمی ریژەی كچان لە دەستەی كارگێری یانەكانی كەركوك
هەواڵ

ماوەیەك لەمەوبەر زۆربەی یانە وەرزشییەكانی كەركوك پرۆسەی هەڵبژاردنی دەستەی نوێی كارگێڕییان ئەنجامدا، بەڵام ئەوەی جێی سەرنج بوو كەمی رێژەی كچان و ژنان بوو لە نێو دەستەی كارگێڕی یانەكان.
لەو بارەیەوە مامۆستا رێزان وەرزشكاری شاری كەركوك بۆ (هەواڵ) وتی:" چەندین هۆكار هەن كە بونەتە دووركەوتنەوەی كچان لە گۆڕەپانی وەرزشی كە دیارترینیان باوبوونی كەلەتوری عەیبەیە، سەرباری فەرامۆشكردنی دەزگاو یانە وەرزشیەكان بۆ رۆڵی رەگەزە چالاكەكانی كچان، ئەمەش لە هاندان بۆ كاركردن لەم بوارەدا كەم دەكاتەوە ".
وتیشی:" رۆڵی نوسینگەی چالاكی ژنانە لە لیژنەی ئۆڵۆمپی بەوەی دەستی هاوكاری بۆ وەرزشی كچان درێژبكات و رەگەزە چالاكەكانیان كە سادەترینیان دابینكردنی هۆكاری گواستنەوەیە بۆیان، هەروەها نەبوونی یانەیەكی تایبەتمەندی ژنان دوور لە دەستتێوەردانی حیزبی ".
ئەوەشیخستەڕوو:" ئێستا جیاوازییەكی زۆر گەورە دەبینین لە نێوان كچان و كوڕاندا لە بواری كاركردنداو هەندَی چالاكی وەرزشی هەن كچان تیایدا بەرەو لە ناوچوون چوون ".
كەوسەر سلێمان، یەكێكی تر لە كچە وەرزشكارەكانی كەركوك سەبارەت بە هەمان بابەت پێیوایە " وەكو خۆم لە 2005 هاتوومەتە جیهانی وەرزش و تا رادەیەك زۆر هەر هەمان ستافی بەڕێوەبردن دەبینم لە زۆربەی یانەكان و بەشێكی زۆری یانەكانی ئەندامەكانیان پیاون، ئەمەش بەرپرسیارێتیەكەی دەگەڕێتەوە بۆ لایەنە پوەندیدارەكای وەرزش ".
هەروەها وتیشی:" دەتوانرێت بە یاسا 25% یانەكان بۆ ڕەگەزی مێ تەرخان بكرێت، جگە لەوەش لە وڵاتی خۆمان هیچ كات پیاوان باوەڕیان بە لێهاتوویی ڕەگەزی مێینە نەبووە سەرەڕای ئەوەی 80% خیزانەكانیان لە لایەن ژنانەوە  بە سەركەوتوویی بەڕێوەدەبرێت ". كەوسەر ئاماژەی بۆ ئەوەشكرد:" لە ئێستادا و بە هۆی قەیرانی داراییەوە دوایین شت كە بیری لێبكرێتەوە لە یانەكانی چالاكی كچانە ".
وریا جەلال، سەرۆكی یانەی گازی باكور بۆ (هەواڵ) وتی: بە شێوەیەكی گشتی كادیری وەرزشی ڕەگەزی مێ لە شارەكەمان تا رادەیەك بوونیان هەیە لە شارەكەمان كە تووانیان بوونی خۆیان بسەلمێنن ".
سەرۆكی یانەی گازی باكور وتیشی:" بە حوكمی ئەوەی یانەكەمان یانەیەكی دامەزراوەییە دەبێت ئەندامەكانی فەرمانبەری كۆمپانیای نەوتی باكور بن بۆ ئەوەی بتوانن خۆیان هەڵبژیرن ".
ئەوەشیخستەڕوو:" بەڵام وێرای بوونی ژمارەیەكی بەرچاو لە رەگەزی مێ لە كۆمپانیاكە، بەڵام كەسیان خۆیان نە پاڵاوت ". دەرون مەلا ناجی، رۆژنامەنووسی وەرزشی پێیوابوو:" لە رابردوودا كۆمەڵگاو كەلتور هۆكاری سەرەكین بون لەبەرامبەر گەشەنەسەندنی بواری وەرزشی كچان".
وتیشی " لەدوای كاڵبونەوەی ئەو حاڵەتە، ئێستا قەیرانی دارایی ئەو رۆڵە دەگێرێت".




‌ 691 جار بینراوه‌
1/28/2019 11:29:18 AM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved