»  پەڕەموچ
مژدە ….
ستار ئەحمەد

شەكرە ژنێك
چێژە عەشق و
نوقڵە هیواو
بەفرە خۆزگەم پێدەبەخشێت
ژنێك چوون شیعرو
لە ئەوینا سەرمەست و شێت
ئێواران گەرمەسۆز
شەوان شەرمە خەوو
رووناكی دڵ
لەئاسۆی دەروونی هەڵدێت
زەردەی بەیان هەڵدەسێنێ و
شاباڵی ئەمەك توند دەگرێت
هەتا دەگاتە ترۆپكی
گەرمە هەناوی نیوەڕۆ
وێڵە ژنەو
بەدوای خۆی و رۆحی من و
دوندی دەروونا دەگەڕێت
پیتێك لە ئاونگی لێوی
چرپەیەك لە ترپەی دڵی
هەناسەیەك لە ماچێكی
سفرێك لەگۆی مەمكەكانی
لە تروسكەی نیگایەكا
بەگلێنەم دەشۆمەوە
چاوانم دەكەمە رێچكەی
خەونی ئاڵ و
تەمەنی شەنگی ئاواتی
لە كۆشما هەنسكدەدات و
عومرێكی نوێم پێدەنووسێ،
بەرگی لاویم دەكاتە بەر
دەمبا بەرەو شەوچرای ژوان
گوڵە خۆزگەو
لاسكە تاسەو
رەگی مژدەم پێ دەڕوێنێ
ژنێك لە بۆسەی ژیانا
چەشنی چیا
بۆ مانەوەم
بووەتە چاكترین سەنگەر.

‌ 69 جار بینراوه‌
2/9/2019 4:43:53 PM
Print Friendly and PDF
بابەتی زیاتر ...
شوان داودی - له‌ژێر چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دلسۆز حه‌مه‌
؟؟؟؟؟؟؟؟؟؟؟؟؟؟؟؟؟؟؟؟
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved