»  عێراق
بودجەی 2019 بەشی چواریەكی پێداویستییە تەندروستییەكانی عێراق ناكات
هەواڵ

وەزارەتی تەندروستی و ژینگەی عێراق ئامادەكاری بەرنامەیەكی تایبەت دەكات بۆ ئاسایشی دەرمان و رێگەگرتن لە هەر دەواو دەرمان و پێداویستییەكی پزیشكی كە بە نایاسایی دێتە ناو وڵاتەوە. 
محەمەد غافل بەرپرس لە بەشی راگەیاندنی وەزارەتەكە لە لێدوانێكی رۆژنامەوانیدا رایگەیاند:”بەهۆی كەمی پشكی دارایی وەزارەتی تەندروستی كە (5%)ـی پێداویستیەكان پڕناكاتەوە عێراقی دووچاری روبەڕوبونەوەیەكی مەترسیداری تەندروستی كردۆتەوە”. 
ناوبراو وتیشی:” وەزارەتەكەمان ساڵانی پێشوو چەندین داواكاری بەرزكردۆتەوە بۆ ئەوەی پشكی دارایی بەرزتربكرێتەوە، بەڵام ئەنجومەنی وەزیران هیچ وەڵامدانەوەیەكیان بۆ ئەو مەبەستە دەرنەبڕیوە، ئەمەش كاری كردۆتە سەر ئاستی خزمەتگوزارییەكان و دابینكردنی پێداویستیەكان بە تایبەت داودەرمان، چونكە ئەو بڕە بودجە تەرخانكراوە  هەر بەشی چواریەكی پێداویستییەكانی ئەمساڵ دەكات”.
غافل وتیشی: لە هەشتاكانی سەدەی رابردوو بەرهەمە ناوخۆییەكان دەگەیشتنە (20%)ـی پێداویستیەكان، بەڵام ئێستا ناگاتە (7%) و .. روونیشیكردەوە ماوەیەكە وەزارەتی تەندروستی بە پلانەكانی خۆیدا دەچێتەوەو لێكۆڵینەوەی قووڵ بۆ دۆخی ئێستای دابینكردنی دەرمان ئەنجامدەدرێت.
بەرپرسەكە سەبارەت بە كوالێتی دەرمانەكان ئاشكراشیكرد” 3000جۆر دەرمان لە كۆگانی عێراق هەن كە (525) جۆریان بە رەسمی تۆماركراون و وەزارەت لەبەر كەمی بودجە ناتوانێت هەموو پێداویستیەكان پڕبكاتەوە، بۆیە دەبێت میكانیزمی تر بۆ پڕكردنەوەی پێداویستیەكان بدۆزینەوە، وەك بەشداریپێكردنی كەرتی تایبەت لەگەڵ چەند باڵێكی وەزارەتی تەندروستی و چاودێریكردنی هاوردەكردنی دەرمان بەشێوەی چڕوپڕتر. 
ناوبراو جەختیشی كردەوە بە پشتبەستن بە پسپۆرانی ناوخۆو بیانی بۆ خوێندنەوەی یەك لەدوای یەكی سیستمی تەندروستی چارەسەركردنی كێشەكان بە زووترین كات و نەهێشتنی قۆرخكاری بەهۆی بۆشایی داراییەوە كە ئێستا یەكێكە لە گرفتە هەرە گەورەكان.  

‌ 380 جار بینراوه‌
2/23/2019 11:10:17 AM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved