»  کوردستان
 1200 دامەزراندن لە كەرتی پەروەردە بۆ شاری كەركوك دانراوە
هەواڵ


تاكو ئێستا وەزارەتی پەروەردە لەسەر دەستنیشانكردنی میكانیزمێك بۆ دامەزراندن لەسەر پشكی وەزارەتەكەی یەكلایی نەبۆتەوە، پەرلەمانتارێكیش رایدەگەیەنێت:"1200 دامەزراندن بۆ شاری كەركوك دانراوە". 
مەریوان نادر، ئەندامی لیژنەی پەروەردە لە ئەنجومەنی نوێنەرانی عێراق، بۆ (هەواڵ)، رایگەیاند:"ئەو دامەزراندنەی كە بۆ پەروەردە دانراوە، لەسەر بابەتی رێكخستن و چۆنیەتی دابەشكردنی ماوە بۆ ئەوەی رێكەوتنی لەسەر بكرێت و دواتر رابگەیەندرێت"، ئەوەشیخستەڕوو:"دامەزراندنەكە بۆ شاری كەركوك وابڕیارە 1200 پلە بێت". 
ئەو ئەندامەی لیژنەی پەروەردە لە ئەنجومەنی نوێنەرانی عێراق، راشیگەیاند:"سەردانی وەزارەتی پەروەردە دەكەین بۆ ئەوەی پشكی كورد تێیدا بەپێی ئەو پێداویسیتانەی بەڕێوەبەرایەتی خوێندنی كوردی لە كەركوك هەیەتی تێیدا جێگیر بكرێت".
مەریوان نادر، ئاماژەی بەوەشكرد:"لە پێشوشدا نوسراومان بۆ حكومەت كردووە كە تایبەتەمەندی بدات بە شاری كەركوك لە بابەتی دامەزراندنداو راگرتنی یەكسانی لە نێوان قەزاو ناحیەكان  بۆ مەبەستی دامەزراندن"، وتیشی:"داوامانكردووە هەر بەشێك لە بەڕێوەبەرایەتی پەروەردەی كەركوك بەپێی پێداویسیتییەكانی و رەچاوكردنی بەشەكە دامەزراندنی بۆ دابنرێت". 
بەوتەی ئەو ئەندامەی لیژنەی پەروەردە، تا ئێستا وەزارەتی پەروەردە چۆنیەتی و ئالیەتی دابەشەكردنی ئەو 1200 پلە وەزیفیەی نەخستۆتە بواری جێبەجێكردنەوە.
 

‌ 429 جار بینراوه‌
2/23/2019 11:33:48 AM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved