»  پەڕەموچ
پەیمانگای هونەرە جوانەكانی كەركوك بێ نەسریەو رێگەوبانە
ئا/ داستان كاكۆ

مان: ناچارین بڕە پارەیەك لە هەر خوێندكارێك كۆبكەینەوە تاوەكو پێداویستیەكانی خوێندكاران پڕبكەینەوە

مان ئەحمەد حەمید، سەرۆكی بەشی شێوەكاری لە پەیمانگای هونەرە جوانەكانی كەركوك، لەم چاوپێكەوتنەی (هەواڵ)ـدا، باس لە كێشەو گرفتەكانی بەردەمیان دەكات و هاوكات دەشڵێت:” نەسرییەكەمان كەمەو بەشی پێداویستییەكانمان ناكات و بەشێك لەو وێنەو تابلۆیانەی رۆژانە دروست دەكرێت دووبارە بۆیاخ دەكرێنەوە بەشێك لەگەڵ ئەو پەیكەرانەی دروست كراون دووبارە شیدەكرێنەوە بۆ دووبارە بەكار هینانەوەیان”. 

* كێشەوگرفتی بەردەم پەیمانگای هونەرە جوانەكانی كەركوك لە ئێستادا چین؟
- یەكێك لەوكێشانەی ئێستا، كێشەی رێگەوبان و هاتوچۆیە، ئەوەش پێویستی بەوەیە قیرتاو بكرێت بۆ ئەوەی ئاستەنگ بۆ هاتوچۆی مامۆستایان و خوێندكاران دروست نەبێت. 
* لەرووی پێداویستییەوە چ كێشەیەكتان هەیە؟ 
- نەسریەكەمان كەمە، پێشتر نەسرییەكەمان سێ ملیۆن دینار بوو، بەڵام لە ئێستادا كەمیكردووە بۆ ملیۆنێك و دووسەدو پەنجا هەزار دینار، ئەمەش وایكردووە كە زۆرجار بەشمان نەكات، ناچارین بڕە پارەیەك بە بڕی هەزار دینار یان دوو هەزار دینار لە هەر خوێندكارێك كۆبكەینەوە تاوەكو پێداویستیەكانی خوێندكاران پڕبكەینەوە، ئەگەر نەسریەكە بگەڕێتەوە بۆ كاتی پێش قەیرانەكان ئەوا زۆر باشتر دەبێت.
 * ئەو تابلۆ و وێنەو پەیكەرانەی رۆژانە دروست دەكرێت چی لێدەكەن، دەمێنێتەوە یاخود دەیفرۆشنەوە؟
- لەساڵانی پێشوودا ئەو تابلۆ و وێنەو پەیكەرانەی كە دروست دەكران هەڵدەگیران، بەڵام لە ئێستادا هەر چوارچێوەیەكی وێنەكێشان چەند جارێك دووبارە بۆیاخ دەكرێتەوە، دووبارە وێنەی لەسەر دەكێشرێتەوە، بەهەمانشێوە ئەو پەیكەرانەی كە لە سیرامیك یا لە قوڕ دروست بكرایە لە كۆتایی ساڵدا هەڵدەگیرا، بەڵام لە ئێستا لەبەر نەبوونی نەسریەی تەواو ناچار دووبارە دەیان توێنینەوە بۆ ئەوەی جارێكی تر بە كاریان بێنینەوە، ئەوەی هەڵدەگیرێت ئەگەر بكرێت بە هەڵبژاردن چەند دانەیەك هەڵدەكرینەوە.
* لەرووی مامۆستاو كارمەندەوە هیچ كێشەیەكتان هەیە؟
- مامۆستای باشمان هەیەو كێشەی كەمی مامۆستامان نییە.
* خوێندكاران گرفتی هاتوچۆ یان هەیە؟ هەوڵتان نەداوە چارەسەری بكەن؟
- لەپێش قەیرانەكە هەر خوێندكارێك كە لەناو شاربوو بڕی (30000) هەزار دیناری پێدەدرا بۆ هاتوچۆ، بەڵام ئەوانەی لە دەرەوەی شارەوە هاتوچۆیان دەكرد بڕی (100000) هەزار دیناری پێدەدرا، بەڵام لە ئێستا دا هیچ بڕە پارەیەك نیە بدرێت بەخوێندكاران، داوامان لە پەروەردە كرد كە پاسێكمان بۆ دابین بكات بۆ ئەوەی بتوانین خوێندكاران بەرینە دەرەوە بۆ گەڕان و كەشتكردن، ئەوەش سەری نەگرت و نەیانكرد. 
* بەشداری لە چالاكی و فێستیڤاڵەكان دەكەن؟ 
- بەشداری ئەو چالاكی و فێستیڤاڵانە دەكەین كە بەناوی پەیمانگاوە ساز دەكرێن، هەروەها مامۆستایان و خوێندكاران بەشداری دەیان پێشانگای دیكەیان كردووە.
* ساڵانە چەند چالاكی ئەنجام دەدەن؟ 
 - ساڵانە چوار بۆ پێنج قوتابخانەی ناوشاری كەركوك بە تابلۆو بۆیاخ كردن دەڕازێنینەوە.
* ئەو كارانە دەخەنەڕوو كە مامۆستایان یان خوێندكارانی پەیمانگا دروستی دەكەن؟ 
- بەڵێ دەیان پەیكەرو تاشراو وێنەو تابلۆمان لە هۆڵ و سیمینار خراونەتەڕوو بە هۆكاری ئەوەی پەیمانگاكەمان لەرووی هونەریەوە زیاتر ناسراوە لە چاو دەزگاكانی تری ناو شارەوە كەمتەرخەمیمان نەكردوە لە وخاڵەدا.



‌ 118 جار بینراوه‌
3/9/2019 3:22:07 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved