»  عێراق
فەتح و سائروون لەسەر وەدەرنانی هێزەكانی ئەمریكا رێككەوتوون
هەواڵ

محمد بەلداوی پەرلەمانتارێكی هاوپەیمانی فەتح ئاشكرایدەكات: سەبارەت بە بوونی هێزەكانی ئەمریكا لە عێراق پەرلەمان چاوەڕوانی راپۆرتێك لەحكومەتەوە دەكات تا یاسایەك بۆ دەركردنی ئەو هێزانە لە عێراقەوە دابرێژێت.  
محمد بەلداوی پەرلەمانتاری هاوپەیمانی فەتح روونیشیكردەوە: لیژنەی یاسایی و لیژنە لاوەكیەكانی تر كار لەسەر وەدەرنانی هێزەكانی ئەمریكا دەكەن لە عێراق و ئەم كەیسەش بۆتە مەسەلەی یەكلاكەرەوەو هەردوو هاوپەیمانی “فەتح و سائرون”پلان بۆ ئەو مەبەستە دادەرێژن. 
بەلداوی لەوبارەوە وتی:” پەرلەمان هەر لەسەرەتای داڕشتنی یاساكانیەوە گفتوگۆی ئەم كەیسەی خستۆتە پێش هەموو كارنامەكان و چەندین لیژنەی تایبەت و بە هەماهەنگی لەگەڵ لیژنەی یاسایی ئەم پێشنیارەیان لە ئەستۆگرتووە تا خوێندنەوە لەسەر چۆنیەتی رێككەوتەنەكان بكرێت لەگەڵ لایەنی ئەمریكی و بتوانین یاسایەك دابرێژین حكومەتی بەغدا بەرامبەر بەهێزەكانی ئەمریكا نەخاتە هەڵوێستێكی نەخوازراو و بەشێوەی ئاشتیانە لە عێراقەوە دەربكرێن”.
بەلداوی ئاشكراشیدەكات: لیژنەی یاسایی خوێندنەوەی تەواوی كەیسەكە دەكات و حكومەتیش لەلای خۆی لیژنەیەكی بەسەرۆكایەتی فالح فەیاز پێكهێناوە بۆ بەداوداچوون و سەردانیكردنی (شەنگال و عێن ئەسەد) و بنكە سەربازییەكانی تر لە پێناو كۆكرنەوەی زانیاری ورد لەسەر ژمارەی تەواوی سەربازانی هێزەكانی ئەمریكا لە خاكی عێراق.
جێی باسە پەرلەمانی عێراق بە پشبەستن بە راپۆرتەكانی حكومەت و لیژنە هاوبەشەكان دوای سەردانیكردنی فالح فەیاز سەردانی هەموو بنكە سەربازییەكانی ئەمریكا دەكەن لەناو خاكی عێراق    

‌ 470 جار بینراوه‌
3/16/2019 2:35:02 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved