»  عێراق
بەشی دوو فیرقەی سەربازی چەك لە بەسرادا هەیە
هەواڵ

بەدر زیادی ئەندام ئەنجومەنی نوێنەرانی عێراق  لەسەر پارێزگای بەسرا دەڵێت ئەو چەكەی لە شارەكەدا هەیە بەشی دامەزراندنی دوو فرقەی سەربازی دەكات. 
ناوبراو چاوپێكەوتنێكی تەلەفزیۆنیدا دەڵێت: ئەو چەكەی لە شاری بەسرا هەیە بە شێوەیەكی ناسروشتی بڵاوەی كردووەو هەموو خێڵەكان چەكی قورس و ناوەندیان هەیە، ئەمەش بۆ لاوازی و نەبونی یاسادەگەڕێتەوە. 
هاوكات وتیشی:” شەڕە خێڵەكیەكان چ پێویستی بە تانگ و زریپۆش نابێت بەڵكو بە تەنها بە هێزی پیادە چارەسەر دەكرێت، ئاماژەی بەوەشكرد:” كڕین و نەهێشتنی چەك كارێكی بەسوودو هەنگاوێكی باشە، بەڵام چۆن چەك لە كەسانێك بكڕین كە لە دەرەوەی یاسادان و دەوڵەت بۆی نییە لە رێگەی كڕینەوە ئەو چەكانە راماڵێت بەڵكو دەبێ زەوتی بكات و هەموو ملكەچی یاسا بن، ئەمەش باشترین رێگە چارەیە بۆ سەپاندنی یاساو بەرقەراربوون لە شارەكە”. 
زیادی  سەبارەت بە نەبوونی سەقامگیری وتی:” بازگەكان هیچ ئامێرێكی پێشكەوتوویان نییەو ناوشار هیچ هێزێكی ئەمنی نیشتمانی نایپارێزێت، ماشێنە ئەمنییەكانیش بۆیان نییە (60)كم زۆرتر بڕۆن لەكاتژمێرێكدا”، بۆ چارەسەری ئەو مەسەلەیەش وتی:”گۆڕانكاری لە هێزە ئەمنیەكان و گواستنەوە لە بەسراوەو بە پێچەوانەوە باشترین چارەسەرە”. 
ناوبراو وتیشی:” خەڵكی بەسرا ناسنامەی جۆراجۆر هەڵدەگرن و هەر یەكەو لە لایەنێكەوە مۆڵەتی چەك هەڵگرتن وەردەگرن، لە كاتێكدا بە تەنها پەرلەمانتاران بۆیان هەیە چەكداریان هەبێت”. 
ئەو ئەندامی ئەنجومەنی نوێنەرانە وتیشی:” لەسەرمانە كەسانی نیشتمانی رابهێنرێت و مەشقیان پێ بكرێت و دەبێت پێكهێنانی لیژنەی ئاوەددانكردنەوەی بەسرا بە سەرۆكایەتی هادی عامری سەرپەرشتی گرێبەستی كۆمپانیاكان بكات”.

‌ 471 جار بینراوه‌
3/16/2019 2:37:04 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved