»  پەڕەموچ
ئەوین و شیعرە نەفرەتییەكان”
ئەرسەلان غالیبی


كورالی دێمیتریادیس”ژنە شاعیرو نووسەرو ئەكتەری ئوستڕاڵی و وەكوو شاعیرێكی جیا لەنووسین و بیركردنەوە دەناسرێت. ناوبراو كاراكتەرێكی ئەكتیڤ و چالاكە لەناو ژینگەی هونەری ئوستڕالیاو كارەكانی زۆرتر دەور لەسەر كێشەو گرفتی ژنانەو بە شێوەیەكی رادیكاڵ لە رێگەی نووسراوەكانی بە دژی هەموو ئەو كلتوورو ئایین و سیستمانە دەوەستێتەوە كە ژنی پێ دەچەوسێتەوە، جارێ زانیارییەكی زۆرم لە سەر ئەو شاعیرە نییەو ئەو شیعرەشم زۆر پێ جوان بوو كە ”موسلم ئەحمەدی” لە ئینگلیزییەوە كردووەیە بە فارسی، منیش لە فارسییەوە كردوومە بە كوردی هەتا هاوڕێیان و شاعیران ئەگەر تا ئێستا نەیانناسیوە بیناسن و لە رێگەی ئەو شیعرەشەوە باگڕاوندێكی گشتییان لەسەر بێتە بەردەست، وێنەكەش وێنەی سەربەرگی كتێبە شیعرییەكەیەتی بەناوی “ئەوین و شیعرە نەفرەتییەكان” و ئەم شیعرەش هەر لەو كتێبەدا بڵاوبۆتەوە.

تاقە رێگای هەڵخەڵەتاندنی پیاو
ئەوەیە كە تۆش ببیە پیاو
وەرن با خۆمان فریو نەدەین
ئێمە لەناو دونیایەكی پیاوانەدا دەژین
جا بۆیە پلانەكەت وەگەڕخە
قسەكانت لە دڵتدا راگرە
شیعرەكانت لە ژێر باڵنجەكەتدا بشارەوە
لەو ئەفسانەو چیڕۆكی پەری و شتە گەڕێ
لە جیاتی وان
لە ناو تڕاموا دا یەكسەر 
“بۆڵر فۆڕ مای والێنتاین” گوێ بدە
كە بێ ئەوەی هاوارت لێ هەستابێ.. قیژاندبێتت
لێگەڕێ چاوەكانت بە سورمە رەش بێت
لەبەر ئەوەی ....كان دنە دەدا
كاتێك لێت رادەمێنن
تەنوورەیەكی كورت لەبەر كە، لێوت سوور كە
جووتە گۆرەوییەكی درێژیش لەپێیان بكەو 
خەنجەر دە جەرگیان دە...
شەوانە بچۆ دەرەوە
تەنیا لە سەر نیازی جەستەییت سوور بە
بە شوێن سێكسەوە بە، نەك هەست و ئیحساس
پیاوان لەوەیدا شارەزان و تۆش دەتوانی وابیت
هەستە لە خەو!
پیاوەكان نایانهەوێ بتناسن
تەنانەت ئەگەر پرسیاری ژیانت بكەن
هیچ بۆیان گرینگ نیت
تەنانەت ئەگەر باخچەكەیانت نیشان بدەن
قەت بیر ناكەنەوە كە تۆ كچێكی جیاواز و جیابیری
تەنانەت ئەگەر پیانۆت بۆ بژەنن
یان نێوچاوانت ماچ بكەن
یان روخسارت بلاوێنن
یان لە قووڵایی شەودا لە ئامێزت گرن
بڕوا مەكە كاتێك دەڵین كاتمان نییە
خەریكی دوان سیانێكی ترن...
پیاوەكان تەنیا سێكسیان دەوێ
كە دە ...... ت دەخەن
كە بە دیوارەوەت دەنووسێنن
قژەكانت بكێشن
لە رۆحت رابمێنن
مەهێڵە كەرت كەن
تەنیا دەیانهەوێ .....یان بخۆی
كە بتوانن بڕوا بكەن لە سەرووی تۆوەن
لێگەڕێ با وا بیربكەنەوە
دواتر خەنجەرەكەت دەست دەیە و ....

لەگەڵی بە شەر مەیە، ئینكاری مەكە،
ژیان هەر ئەوەیە
ئێمە مەجبوورین 
خۆمان لە پشت سپەرەكانمانەوە 
بشارینەوە،
 كە زیندوو بمێنینەوە
مەجبوورین ژنی ناخمان بشارینەوە
كاتێك پیاوەكان 
ئەو شتەی دەیانهەوێ وەچنگی دێنن
لە پڕتاو وەك تڕی بن گۆمیان لێ دێت، 
دەرۆن
ئەگەر بچووكترین رەگی هەست و ئیحساس ببینن 
دەڕۆن و شەرت و گوم دەبن
لەگەڵی بە شەڕ مەیە، ئینكاری بكە
راستییەكە هەر ئەوەیە
ئێرە، چەقۆی ناو دەستم ببینە
كە دەیچەقێنمەوە ناو سینگم
ئەو چوارچێوەیە دەبینی كە دەیبڕم؟
دەیبینی؟
دڵمە، ئێستاش كوتە كوتییەتی
لە سەر مێزی ناو چێشتخانەكەی دادەنێم
بە دەستە خوێناوییەكانم
چاو لێكە چۆن تابووتەكەی چێ دەكەم
بۆ هەر كام لەوانەی عاشقم بوون 
بزمارێكی تێدەكوتم
بۆ هەر هەموو 
ئەو زۆڵی بنی زۆڵانەی 
هێشتم بێنە ژوورەوە
چەندێكیش بە میهرەبانی و نەرمونیانی 
هێشتم بێنە ژوورەوە
دە ناو تابووتت دەخەم، دڵی من
دەو ناوەت دەخەم و دەگریم
لەگەڵ فرمێسكەكانم بەشەڕ دێم
بە چەكوشێك بزمارەكان دەكوتم
تابووتەكە قەپاتدەكەم
بۆ هەر جارێكی كە 
گوتم نامەوێ و ویستم
بزمارێكی لێ دەدەم و 
بە چەكوش دەیكوتمەوە
دووبارە و دووبارە و 
دووبارە
لە ناو سینگم دا دەتنێژم، دڵی من
شینت بۆ دەگێڕم، بەڵام ناگریم
نا، ناگریم، ناگریم....
ئەو شووژنەی دەبینی؟
چاو لێكە چۆن پێستمی پێ دەدوورمەوەو
 وێكی دینمەوە
بۆ هەر جارێكی كە دیسان 
دڵم داغورپی و بڕوام كردو فریومخوارد 
تەقەڵێكی لێ دەدەم
خوێواو لە چاوەكانم دێتە خوارو
ئێشی هەر تەقەڵێك هەست پێدەكەم
جووڵەی دەزوەكە 
كە هەموو جارێك 
دەچێتە ژوورێ و دێتە دەرەوە
ژوورەوە و ناوەوە، ژوورەوە و ناوەوە
ژوورەوە و ناوەوە، ژوورەوە و ناوەوە
كە فەرامۆشی نەكەم
كە ئەو دونیایە دونیایەكی پیاوانەیەو
پیاوەكان هەر هەموویان زۆڵی بنی زۆڵن
دەتوانی زەفەر بەریە ناو .....م
بەڵام تەفروتوناش بم 
ناهێڵم پیاوێكی تر بچێتە ناو رۆحمەوە.

‌ 201 جار بینراوه‌
3/17/2019 2:06:14 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved