»  پەڕەموچ
پشكۆی خەون
ستار ئەحمەد

ئێستا لەكۆشی خەونا دانیشتووم
بای چاوەڕوانی بۆ لای تۆم دێنێ
هەناسەی تاسەت دەمخاتە سەما
خۆزگەی ژوانت باڵم دەڕوێنێ
........................
ئاسمانی جوانیت شەق دەكەم وەك مەل
لەنسێی باڵای عەشقتا دەسرەوم
كاتێك ئاگایی وشیارم دەكا
دەبینم كوشتەی ئازارو خەوم
................................
شەماڵێك لەلای تۆوە هەڵبكا
یادی ئەوینت دەمكاتە پشكۆ
سەر لەنوێگڕێك ناخم دادەگرێ
فرمێسك دەڕژێنم بۆ دووریەكەی تۆ
..................................
شەو ئارام ناگرم رۆژیش دەسووتێم
لەپرسەی خۆما دەست لەسەر سینەم
بەهیوام رۆژێك ئاوێزان یەك بین
وەرە بتخەمە سەر پێڵوو دیدەم
................................
لەدووری تۆیە عومرم ژاكاوە
وێردی سەر زارو بەستەی هەناومی
رێگەی مەینەتم ئەشكەنجەو ژانە
وزەی ژیان و مانگ و هەتاومی
...................................
نەكەی كۆسپی ژین بەچۆكتا بێنێ
لەعەشق و جوانیت بمكەیتە دەرێ
گوڵ لەباخچەدا بشنێتەوە
كێوەك باخەوان نازی هەڵدەگرێ
...................................
كەس وەك من نرخی تۆی لەلا نییە
بەپاكی و وەفا عومرت ناپێوێ
بۆچی نازانی دڵسۆزی راستیم
تەنها دڵخۆشی و بەرزی تۆم دەوێ


‌ 70 جار بینراوه‌
4/13/2019 3:42:39 PM
Print Friendly and PDF
بابەتی زیاتر ...
شوان داودی - گۆشەی لەژێر چاویلكەوە
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved