نوێترین
100 كه‌سایه‌تی داوا ده‌كه‌ن كه‌یسی 16ی ئۆكتۆبه‌ر ببرێته‌ دادگا   |    سوپای عێراق چه‌ند شوێنه‌وارێكی كه‌ركوك ده‌كاته‌ شوێنی مانه‌وه‌ی سه‌ربازه‌كانی   |    حوكمی حه‌وت ساڵ زیندانی بۆ سێ كارمه‌ندی تاپۆ له‌ كه‌ركوك ده‌رده‌كرێت   |    (45) هه‌زار منداڵ له‌ژێر ركێفی داعش له‌دایكبوونه‌   |    یه‌كه‌مین وه‌زیری حكومه‌تی هه‌رێم له‌دوای 16ی ئۆكتۆبه‌ره‌وه‌ سه‌ردانی كه‌ركوكی كرد    |    به‌به‌شداری سلێمانی فێستیڤاڵی ڕاگه‌یاندنی كوردی له‌ سنه‌ به‌ڕێوه‌چوو   |    (45) هه‌زار منداڵ له‌ژێر ركێفی داعش له‌دایكبوونه‌   |    لیژنه‌ی كشتوكاڵ: رێگری له‌ هاورده‌كردنی ئه‌و به‌رهه‌مانه‌ ناكه‌ین كه‌ له‌ناوخۆ به‌رهه‌مناهێنرێن   |    په‌رله‌مان كار بۆ به‌رزكردنه‌وه‌ی مووچه‌ی كرێكاران ده‌كات   |    لیژنه‌ی خزمه‌تگوزاری داواده‌كات فۆرمی خۆراك نه‌مێنێت و هاوڵاتیان له‌جێی قه‌ره‌بوو بكرێنه‌وه‌   |   
كوردی  |   عربي
»  پەڕەموچ
چەند كورتیلە چیرۆكێك لە ئەدەبی جوبران خەلیل جوبرانەوە
و. عەبدوڵا مەحمود زەنگنە

(پۆشاك)

رۆژێك لە رۆژان جوانی و ناشیرینی لە كەناری دەریادا بەیەك گەیشتن..بەیەكتریان وت:"مەلەیەك نەكەین؟".. پۆشاكەكانیان داكەند، كەوتنە مەلەكردن، كەمێك دواتر ناشیرینی وازی لە مەلەكردن هێناو گەڕایەوە كەناری دەریا، پۆشاكەكانی جوانیی لەبەركرد و رۆی..دواتر جوانییش گەڕایەوە كەناری دەریا، پۆشاكەكانی نەبینیەوە، زۆر شەرمەزار بوو بەڕووتی بمێنێتەوە، ناچار پۆشاكەكانی ناشیرینی پۆشی و رۆیی..

لەو رۆژەوە ژنان و پیاوان هەركات بە یەكتری دەگەن هەڵە دەكەن لە ناسینەوەی یەكتریدا..گەرچی كەسانێك هەن كە لە روخساری جوانی ورد دەبنەوە، دەیناسنەوە هەرچەند پۆشاكی ناشیرینیی لەبەردابێت، كەسانێكیش كە لە روخساری ناشیرینی ورد دەبنەوە، دەیناسنەوە گەرچی پۆشاكی جوانییشی لەبەردابێت.

شاعیرێك، هۆنراوەیەكی زۆر جوانی بۆ گۆرانیی خۆشەویستی نووسی، سەرو كۆپیی نارد بۆ هەموو هاوڕێ و دۆستەكانی لە ژنان و پیاوان، لەوانەیش ژنێكی گەنج كە تەنها یەك جار بینیبووی و لەودیوی چیاكانەوە دەژیا.. ژنە گەنجەكە بە تەتەردا نامەیەكی بۆ كاكی شاعیر نارد:"دڵنیابە ئەو هۆنراوەیەی بەناوی گۆرانیی خۆشەویستی بۆ منت نووسیبوو، زۆر كاری تێكردم، كەواتە وەرە بۆ داوام با كارەكانی هاوسەرگیریمان رێكبخەین"..كاكی شاعیریش وەڵامی نامەكەی دایەوە:"هاوڕێم، ئەو گۆرانیە تەنها هۆنراوەیەك بوو لە دڵی شاعیرێكەوە كە هەموو ژنان و پیاوانی دنیا بۆ یەكتریی دەڵێنەوە"..ژنە گەنجەكەیش بۆی نووسی:"ئەی درۆزن، لەمڕۆوە هەتا مابملە دنیادا، بەهۆی تۆوە دەبێ رقم لە هەموو شاعیران بێتەوە".

(فرمێسك و پێكەنینەكان)

ئێوارەیەك لە كەناری رووباری نیلدا كەمتیارێك دەگات بە تیمساحێك، سڵاویان لە یەك كرد و كەوتنە قسە..كەمتیارەكە وتی:"قوربان، رۆژت چۆن بەسەربرد؟"..تیمساحەكەیش وتی:"زۆر خراپ، جار نیە لەتاو بێزاری و خەمەكانمدا تێر نەگریم، بەڵام زیندەوەرانی دەورم هەمیشە دەڵێن: ئەم گریانە هیچ نیە جگە لە فرمێسكی تیمساحانە، بەمەیش بێحەد بێتاقەت و شەرمەزار دەبم"..كەمتیارەكەیش وتی:"باسی نەگبەتی و چەرمەسەریی خۆت دەكەیت، وەرە بەلای منەوە، منیش كاتێك دەڕوانمە جوانی و دڵڕفێنی و سەرسوڕمێنیی دنیا، هێندە دڵخۆش و شادمان دەبم دەكەومە پێكەنین، بەڵام گیاندارانی دارستان دەڵێن: ئەم پێكەنینە هیچ نیە جگە لە پێكەنینی كەمتیارانە".

لە رۆژێكی زریان و باراناویدا قەشەیەك لە كڵێساكەیدا بوو، ژنێك هات بۆلای و لەبەردەمیدا وەستا و وتی:"من ژنێكم بەڵام مەسیحی نیم، ئایا دەكرێت لە ئاگری دۆزەخ رزگارم بێت؟"قەشەكە لە ژنەكە وردبوەوە و وتی:"نەخێر، كەس لە دۆزەخ رزگاری نابێت ئەوانە نەبێت بە ئاو و رۆح شۆردران"..لەكاتی قسەكردنیدا هەورێك گرمانی، هەورەبرووسكە دای لە كڵێساكە و ئاگری گرت، خەڵكی بە پەلە هاتن، ژنەكەیان رزگار كرد، بەڵام قەشەكە سووتا و بووبە خۆراكی ئاگر.

گوێچكە ماسییەك لەگەڵ گوێچكەماسی دراوسێیدا قسەی دەكرد:"ئەزانیت ئازارێكی زۆرم هەیە، ئازارێكی قورس و گرمۆڵە هەناوی گرتووم، دەمێكە بەدەستیەوە دەناڵێنم "..ئەویتریان بەلوتبەرزی و سەرفرازیەوە وەڵامی دایەوە:

"سوپاس بۆ خوای ئاسمانەكان و دەریا، هیچ ئازارێكم نیە و لەوپەڕی مورتاحیدام"..لەوكاتەدا قرژاڵێك لێیانەوە نزیك بوو و قسەكانیانی بیست، بەو گوێچكەماسییەی وت كە خۆی بە بێئازار و مورتاح دەزانی:"راستە تۆ ئازارت نیە، ئەی نازانیت ئەو ئازارەی دراوسێكەت هەیەتی، ژانی لەدایكبوونی مروارییەكی جوانی بێسنوورە؟!" .

پیاوێك بە پیاوێكی تری وت:"بەلایەكی پێڵاوەكانم لەكاتی هەڵكشانی دەریادا لەسەر لمەكە دێڕێكم نووسی، هێشتا خەڵكی دەیخوێننەوە و حەزناكەن بسڕێتەوە"..ئەوی تریشیان وتی:"من لەكاتی داكشانی دەریادا دێڕێكم نووسی كەچی شەپۆلەكان هاتن و سڕییانەوە..بەڵام پێمبڵێ تۆ چیت نووسیبوو؟"..ئەوەی یەكەمیان وتی:"نووسیم: من ئەو كەسەم كە هەم"..ئەی تۆ، ئەویش وتی:"منیش نووسیم: من دڵۆپێكم لەم زەریا بێبن و بێسنوورە".

سەرچاوە: كتێبی(الهە الارض) نووسینی جبران خلیل جبران. چاپی یەكەم 2008 لە بڵاوكراوەكانی (مركز الشرق الاوسط الثقافی للطباعە والنشر والترجمە والتوزیع).

‌ 385 جار بینراوه‌
4/27/2019 12:15:44 PM
Print Friendly and PDF
بابەتی زیاتر ...
بورهان حاجی سلێمان
شوان داودی - گۆشه‌ی له‌ژێ چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved