نوێترین
100 كه‌سایه‌تی داوا ده‌كه‌ن كه‌یسی 16ی ئۆكتۆبه‌ر ببرێته‌ دادگا   |    سوپای عێراق چه‌ند شوێنه‌وارێكی كه‌ركوك ده‌كاته‌ شوێنی مانه‌وه‌ی سه‌ربازه‌كانی   |    حوكمی حه‌وت ساڵ زیندانی بۆ سێ كارمه‌ندی تاپۆ له‌ كه‌ركوك ده‌رده‌كرێت   |    (45) هه‌زار منداڵ له‌ژێر ركێفی داعش له‌دایكبوونه‌   |    یه‌كه‌مین وه‌زیری حكومه‌تی هه‌رێم له‌دوای 16ی ئۆكتۆبه‌ره‌وه‌ سه‌ردانی كه‌ركوكی كرد    |    به‌به‌شداری سلێمانی فێستیڤاڵی ڕاگه‌یاندنی كوردی له‌ سنه‌ به‌ڕێوه‌چوو   |    (45) هه‌زار منداڵ له‌ژێر ركێفی داعش له‌دایكبوونه‌   |    لیژنه‌ی كشتوكاڵ: رێگری له‌ هاورده‌كردنی ئه‌و به‌رهه‌مانه‌ ناكه‌ین كه‌ له‌ناوخۆ به‌رهه‌مناهێنرێن   |    په‌رله‌مان كار بۆ به‌رزكردنه‌وه‌ی مووچه‌ی كرێكاران ده‌كات   |    لیژنه‌ی خزمه‌تگوزاری داواده‌كات فۆرمی خۆراك نه‌مێنێت و هاوڵاتیان له‌جێی قه‌ره‌بوو بكرێنه‌وه‌   |   
كوردی  |   عربي
»  شۆک
لەكتێبفرۆشێكی سەر شۆستەكانەوە بۆ خاوەنی ناوەندێكی زمانی ئینگلیزی
ئا/ هاوار ستار

 سامی : پەیامم بۆ گەنجانی شارەكەم ئەوەیە هەمیشە بیربكەنەوە تەنها مرۆڤێكی باش بن و تاكە پێویستیان لەم شارە یەكترقبوڵكردنە

ناوەندی رێگا كە كتێبخانەیەكی جیاوازی شاری كەركوكە لە چاو هەر كتێبخانەیەكی تر و لەگەڵ هەر سەردەم و دۆخێكدا لە دوای روخانی رژێكی پێشوەوە ماوەتەوە و جێگەیەك بووە بۆ كۆكردنەوەی سەرجەم پێكهاتە و نەتەوەكانی شارەكە، ئەو كتێبخانەیە كتێبخانەیەكی زمانی ئینگلیزیە بە گشتی و لەگەڵ ئەوەش چالاكی و خولی تێدا ئەنجام دەدرێت، لەم چاوپێكەوتنەی هەواڵدا سامی سلێمان باس لە كتێبخانەكە دەكات.

* سامی سلێمان كێیە و رێگا چۆن دروست بوو؟

-سامی سلێمان تەمەن 41 ساڵ خاوەنی كتێبخانەی رێگام لە ساڵانی 1992 لە شۆستەكان شەقامی كۆماری نێوشاری كەركوك كتێبم فرۆشتوە و تا ئێستا بەردەوامم ناونانی رێگاش لەوەوە هات كە من ساڵانێكی زۆر لەسەر رێگاكان كتێبم ئەفرۆشت و پێم خۆش بوو ئەو وشەیە هەر بمێنێ و بۆ ئەوەی هەمیشە لە بیرمبێ كە من لەسەر رێگایەكەوە دەستم پێكردوە و شۆستەكان لە بیرنەكەم

* ئامانج لە بوونیادنانی رێگا چی بوو؟

-ئامانج لە بونیادنانی كتێبخانەی رێگا بە راستی پرۆژەیەكی ئامادە نەبوو و بێ پلان بوو من یەكێكم لەو گەنجانەی ئەم شارە هەمیشە حەزم بە خوێندنەوە بووە و خولیای كتێب بووم و هەر لە مناڵیەوە زۆر خوێندومەتەوە و كەسێكیش نەبووە هانم بدات بیرمە مناڵ بووم لە رێگەی بەغدا یەكەم كتێبم كڕی هاتمەوە باوكم وتی ئەمە یەكەم رۆژی دەسپێكی ئیفلاس بوونتە لە ژیان و كتێب هیچ پارەت بۆ زیاد ناكەت ئیتر قسەی باوكم تەواو بوو رۆژ بەرۆژ كتێبەكانم زیاد دەبوو.

* بۆچی رێگا گرنگی بە زمانی ئینگلیزی دەدات؟

-دوای ئەوەی رێگا دروستبوو كتێبی بە هەمو زمانەكانی شار تێدا بوو پاشان لە دوای ساڵی 2003ەوە كۆمەڵێك هاوڕێ پێشنیازیان كرد كتێبخانەكە بكرێتە زمانی ئینگلیزی منیش كەبینیم كۆلێژێكی زۆر كرانەوە بۆ زمان و خەڵكانی باش هەن گرنگی بە زمانی ئینگلیزی دەدەن منیش حەزم كرد كە شتێك بكەن نەبووبێ و هەمو كات هەوڵم داوە دەست بۆ ئەو بوارانە بەرم كە خەڵكی دەستی بۆ نابا و كۆپی كراوی كەس نەبم بوونی كتێبخانەیەكی ئینگلیزی لە نێو شاری كەركوك كارێكی نوێ و یەكەم جار بوو

* كاریگەری رێگا لەسەر پێكەوەژیان چی بووە؟

-لەدوای روداوەكانی ئەم دواییە وەكو كەسێك خوێندنەوەی هەبێت بۆ كۆمەڵگە لەگەڵ كۆمەڵێك گەنجدا بڕیارماندا پرۆژەیەك دروست بكەین كە هاتن داوای كردنەوەی خولێكیان كرد بۆ زمان بەبێ بەرامبەر و بەمەش توانیمان شوێنێ دروست بكەین ببێتە مایەی كۆبوونەوەی گەنجەكان لەسەرجەم نەتەوەكان و دورخستنەوەیان لە سیاسەت و ململانێی ئاینی و هەروەها ئەو كێشانەی لە ژیانی رۆژانە توشیان دەبێت و ئێرە بووەتە ناوەندێكی رۆشنبیری ئینگلیزی لە شارەكە و بوێرانە كارمان كردوە و من كەسێكی بێلایەنم و هۆكاری كۆبوونەوەی خەڵكەكەش رەنگە زیاتر بۆ ئەوەبێت كە ئەزانن من لەدەرەوەی پشتیوانی حزبی و نەتەوەیی و سیاسی و ئاینی و مەزهەبی بم كەركوكیەكانیش خۆیان چەندین ساڵە پێكەوەژیان و ئێمەش كۆمەڵێك گەنج لە نێو كتێبخانەكە هەوڵمان داوە دووربین لەو ململانێیانەی كە هەن و دروست دەبن.

* گرنگترین ئەو پرۆژانەی رێگا ئەنجامی دەدات چین؟

-لەرێگەی رێگاوە سەنتەری كتێبخانەكەوە توانیومانە كۆمەڵێك چالاكی بكەین وەكو كردنەوەی چەندین خولی بێ بەرامبەر لە چەندین بواری جیاجیادا و چۆنیەتی نوسینی سی ڤی و چۆنیەتی سەركەوتن لەو چاوپێكەوتنانەی كاتێك بۆ كار دەڕۆیت هەروەها خولی راگەیاندنمان كردوەتەوە و خولی هونەری وێنەگرتنمان كردوەتەوە چۆن بتوانی فۆتۆگرافەرێكی باش بیت و هەمو ئەمانە بێ بەرامبەر بوون ئەمە جگە لەوەی لە بواری تایبەتی خۆمان كارەكەین كە زمانی ئینگلیزیە و چەندین خولمان كردوەتەوە و ئامانجیش لەم خولانە بۆ نزیك كردنەوەی خەڵك و هەروەها شوێنێك بێت ئاشنابوون بە كتێب

بێگومان كار و چالاكیەكانمان یان بە زمانی ئینگلیزی بوە یانیش بێ قسەكردن بووە بۆ نمونە نمایشێكی شانۆی كە قسەی تێدا نەبێ و بەس جوڵەبێت و جگە لەمانە چەندین ئاهەنگی جۆراوجۆرمان كردوە لە وانە بۆنەی سەری ساڵ و هاڵەوین و هەشتی مارس و چەندینی تریش

چەندین پرۆژەمان بۆ ئایندە لە رێگا بە رێگەوەیە لەوانە فێربوونی كۆمپیوتەر بۆ خوێندكاری قۆناغی سەرەتایی و ناوەندی بێبەرامبەر و كردنەوەی چەندین خولی تری زمانی ئینگلیزی و هیوادارین بتوانین سودێك بە كۆمەڵگە بگەیەنین و مرۆڤی تەندروست و باش بخەینە كۆمەڵگەوە و بیسەلمێنین سودمان هەیە بۆ ئەوانی تر.

پەیامی سامی سلێمان بۆ گەنجان چییە؟

-پەیامم بۆ گەنجانی شارەكەم ئەوەیە كە هەمیشە بیربكەنەوە تەنها مرۆڤێكی باش بن و تاكە پێویستیان لەم شارە یەكتر قبوڵكردنە و خۆشویستنی یەكترە و خۆشەویستی جوانترین زمانی جیهانە هەروەك چۆن میوزیك هەمو جیهان لێی تێدەگا خۆشەویستیش ئاوهایە، هیوام وایە گەنجەكان هەوڵ بدەن خۆیان ژیان بۆ خۆیان دروست بكەن چاوەڕێی كەس نەكەن و گوێ بە دامەزراندن و ئەو بوارانە نەدەن كە بۆیان دەكرێت بەڵكو خۆیان هەوڵبدەن ژیانی خۆیان دروست بكەن و بڕوای تەواویان بەخۆیان هەبێت.

 

‌ 569 جار بینراوه‌
4/27/2019 12:26:47 PM
Print Friendly and PDF
بابەتی زیاتر ...
بورهان حاجی سلێمان
شوان داودی - گۆشه‌ی له‌ژێ چاویلكه‌وه‌
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved