|
بانكى ناوه‌ندى عێڕاق دراوێكى تايبه‌ت به بۆنه‌ى ئه‌ژمار كردنى زه‌لكاوه‌كان وه‌ك شوێنه‌وارى كه‌له‌پورى مرۆيى چاپ ده‌كات
هه‌واڵ نيوز
پاش ئه‌وه‌ى له كۆبونه‌وه‌ى يۆنسكۆ له شارى ئه‌سته‌نبوڵ چه‌ند شارێكى دێرين و زه‌لكاوه‌كانى عێڕاق وه‌ك شوێنه‌وارى كه‌له‌پورى مرۆيى ئه‌ژماركران بانكى ناوه‌ندى عێڕاق بڕياريداوه دراوێكى تايبه‌ت به‌و بۆنه‌يه‌وه چاپ بكات.
له به‌ياننامه‌يه‌كدا كه له لايه‌ن بانكى ناوه‌ندييه‌وه بڵاوكراوه‌ته‌وه پيرۆزبايى له ميلله‌تى عێڕاق كراوه به‌و بۆنه‌يه‌وه و هه‌واڵى چاپ كردنى ئه‌و دراوه ڕاگه‌يه‌نراوه.
شايانى باسه ئه‌و بڕياره ده‌بێته مايه‌ى بوژاندنه‌وه‌ى ئه‌و شوێنه‌وارانه‌و گه‌شتياران ڕووى تێده‌كه‌ن و ده‌بێته مايه‌ى دروست كردنى پردێك له نێوان گه‌لانى ناوچه‌كه.
|