»  شۆک
تەرمی سێ گەنج لە ناحیەی لەیلان دەدۆزرێنەوە




تەرمی (3) گەنج بە كوژراوی لە نێو باخێكدا لە سنوری كەركوك دەدۆزرێنەوە، كە سەرجەمیان بە فیشەك كوژراون.
سەرچاوەیەك لە بنكەی پۆلیسی ناحیەی لەیلانی سەر بە پارێزگای كەركوك، بۆ (هەواڵ)، رایگەیاند:”رۆژی (7 / 2 / 2017) تەرمی (3) گەنج بە كوژراوی لە نێو باخێكدا بەرانبەر بە كۆمەڵگای رزگاری دۆزراونەتەوە، ئاسەواری فیشەك بە تەرمەكانیانەوە بووە و چەند چەكێكی جۆری كلاشینكۆفیش لە شوێنی روداوەكە دۆزراونەتەوە”.
بە وتەی ئەو سەرچاوەیە، هەر (3) كەنجە كوژراوەكە لە نەتەوەی كوردن، ئاماژەی بەوەشدا:”بەپێی زانیاریەكان كوژراوەكان دوو بەرە بوونە و بۆ سوڵح لەسەر پارە كۆبونەتەوە و دواتر بووە بە دەمە قاڵە و شەڕیان و یەكێك لە كوژراوەكان دووانەكەی تری كوشتووە و دواتر لەلایەن چەند كەسێكی ترەوە ئەویش كوژراوە و بكوژەكانی تریش هەڵهاتوون”.
جێی وتنە، لە ماوەی هەفتەی رابردوودا، تەنها لە سنوری ناحیەی لەیلانی سەر بە پارێزگای كەركوك، (6) تەرم دۆزراونەتەوە.
 
‌ 267 جار بینراوه‌
2/11/2017 11:22:20 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved