»  باران
كچێكی بەخێوكەر دەبێتە فریشتەی سەر زەوی




كچە خوێندكارێكی تەمەن (22) ساڵ بە بەخشینی بەشێك لە جگەری، ژیانی منداڵێكی شیرەخۆرە لە مردن رزگار دەكات.
میدیاكانی ئەمریكا بڵاوییانكردۆتەوە، كە كچە خوێندكارێكی تەمەن (22) ساڵی زانكۆی پەنسلڤیای ویلایەتی نیوجێرسی ئەمریكا بە ناوی (كریستین مایلز)، نیوەی جگەری خۆی بە منداڵێكی شیرەخۆرەی تەمەن (16) مانگ بە ناوی (تالیا رۆسكای) بەخشیووە و ئەم هەنگاوەش بۆتە هۆی رزگاركردنی ژیانی منداڵەكە لە مردن.
وەك میدیاكانی ئەمریكا بڵاویانكردۆتەوە؛ (تالیا رۆسكای) تەمەن (16) مانگ تووشی لە كاركەوتنی جگەر دەبێت و كریستین مایلزیش، كە ماوەی سێ‌ هەفتە وەك بەخێوەكاری تالیا دەستبەكارببوو، هەستاوە بە بەخشینی بەشێك لە جگەری بە تالیا.
لەلایەن دایكی تالیاوە نازناوی (فریشتەی سەر زەوی) بە كریستین مایلز بەخشراوە و ئەم نازناوەشی بۆ ئەوە گەڕاندۆتەوە، كە تەنها لە ماوەی تەنها هەفتە كاری بەخێوكەری، ئامادەبووە بەشێك لە جگەری بە تالیا ببەخشێت.
‌ 60 جار بینراوه‌
2/11/2017 11:28:00 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved