»  هەمەڕەنگ
سڵاو ئەی دڵنیایی نمایشكرا


بەشی شانۆی پەیمانگای هونەرە جوانەكانی شاری كەركوك رۆژی چوارەشەمەی رابردوو نمایشی شانۆگەری (سڵاو ئەی دڵنیایی) لە هۆڵی پەیمانگای هونەرە جوانەكان كرد.
كاڵێ‌ سیروان،  كە ئەكتەری شانۆی سڵاو ئەی دڵنیایی بوو بۆ دوالاپەرەی (هەواڵ) باسی لەوەكرد:”شانۆگەرەیەكە باسی لە چاوەروانی ژنێك ئەكرد كە بە ئۆمێدی گەرانەوەی پیاوەكەی  ژیانی بەسەر ئەبرد بۆ ماوەی حەوت ساڵ”، وتیشی:”بە شێوەی گشتی سینارۆیی شانۆگەریەكە هاتنی پۆستە چیەك بوو بۆ لای ژنەكە و موژدەی گەرانەوەی مێردەكەی پێبەخشی دەڵێت دەگەرێمەوە لات، و ئەوش هەر ساتێك بە ئومێدی گەرانەوەی بوە و لەگەڵ هەر دەنگێك توشی راچەڵكین دەبوو بۆ گەرانەوەی پیاوەكەی تاوەكو وای لێهات توشی حاڵەتێكی دەروونی بوو”.
كاڵێ وتیشی :”لە دوای چاوەروانیەكی زۆر لە دوای ئەو ماویە ژنەكە لە رێگای پۆستەچیەكەوە ئاگادار دەكرێتەوە ئەو نامە دڵخۆشكەر بە هەڵە هاتووەو نامەیەكی دیكەی پێدەدات كە باسی ئەوە دەكات بە هۆی رووداوێكی هاتوچوە لە دەرەوەی وڵات پیاوەكەی كۆچیی دوایكردوە و لەوێ‌ نێژراوە”.
(سڵاو ئەی دڵنیایی) لە دەرهێنانی كارزان عیسام و سیناریۆ جەلیل قەیسی و سەرپەرشیتیاری كار مەریوان زەنگەنە و سەرپەرشتیاری گشتیش تارق ناسیحە و ئەكتەرەكانیش (كاڵێ و ئەمین ئەیاد و چرۆ كەماڵ)ن، (بەرێوبەری شانۆكەش سۆزان محەمەدە و مۆسیقا هەڤاڵ وشیار و دیكۆریش ئاری فەرهاد و رەنج محەمەد و محەمەد سیروان و توانا بەرهەم)ە.

‌ 255 جار بینراوه‌
2/11/2017 11:42:41 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved