»  شەکری تاڵ
دوڕوویی و گەندەڵی!!




* هەموو دوڕووییەكان دزێوو ناشرینن، بەڵام دوڕوویی نییە دزێوو ناشرین بێت هێندەی ئەوەی داوای جێبەجێكردنی شەرعی خوا بكەیت لە وڵاتەكەت، دواتر سەرهەڵگریت و بڕۆیت لە وڵاتێكی سێكۆلارێتی بژیت.
* كام دوڕوویی لە پیسی و ناشرینیدا دەگاتە ئەوەی داوای زیادكردنی پرۆگرامەكانی ئایین بكەیت لە خوێندنگەكان، كەچی مناڵەكانی خۆت بنێریتە قوتابخانەیەكی ئەمریكی یان فەرەنسی؟!
* هیچ دوو رووییەك هیچ و پووچ و بەد نییە هێندەی ئەوەی بە لەشفرۆشێك داوابكەیت پێت بڵێت خۆمم لەسەر رێبازی خواو سوننەتی پێغەمبەر رادەستی تۆكردو دەمەو بەیانی بڕێك پارەی بدەیتێ و پێی بڵێیت تەڵاقم دایت و بڕۆ ئێستا ئازادی.
* قێزەوەنترین جۆری دوڕوویی ئەوەیە بچیتە ناو مزگەوت و دوعا لە كافرەكان بكەیت بەڵایان لێ ببارێ، دواتر بچیتە نوسینگەی هاوكاری و پارەو خەرجی لە كڵێسا وەربگریت.
* ناجۆرترین و ریسواترین جۆری دوڕوویی ئەوەیە جنێو بە ئەمریكا بدەیت و بە بۆنەو بێ بۆنە ئاڵای ئەمریكا بسووتێنێت، دواتر بەملكەچی لە سەرەی كونسوڵگەریەكانیان بوەستیت و بە كەساسی چاوەرێی وەرگرتنی ڤیزەیەك بیت.
* دوڕوویی ئەوەیە زۆر شادمان بیت بە بیننی مزگەوتی گەورە لە نیویۆرك و لەندەن و پاریس، یان دڵخۆش بیت بە بینینی گەنجێكی بیانی لە پشتی مەلایەكەوە شایەتمان دێنێت و تەنانەت زۆر بە قورسی دەیڵێتەوەو بە سەركەوتنی ئیسلام ناودەبەیت! كەچی بەسەركەوتنی بەهاكانی مافی مرۆڤ و ئازادی تاكە كەسی و ئایینی لەناو شارشتانیەتی رۆژاوا نایبینیت.. بەڵام ئەگەر قەشەیەك یەك گەنجێكی موسڵمان بكاتە كریستانی تەنانەت لەناو فاتیكانیش بێت؛ هەرچی دونیایە دەیهێنیتە دەنگ گوایە پیلان بۆ لەناودانی ئیسلام و موسڵمانان دادەرێژن.  
* دوڕوویی ئەوەیە گوێ نەدەیتە گەندەڵی و بەرتیلخواردن، گەندەڵی دەزگاكانی دادوەری، گەندەڵی خۆدزینەوە لە باج و خەراجی دەوڵەت، یان گەندەڵی سپیكردنەوەی داهات و دارایی، یان خۆدزینەوە لە لێپێچینەوە لە هاوردەكردنی جۆری كاڵای خراپ و بازرگانیكردن بە نزمترین كوالیتی بە نرخی بەرز، یان چاوپۆشی بكەی لە مافیاكانی مادەهۆشبەرەكان و میلیشیا جیهادییەكان و بەقاچاخ فرۆشتنی چەك و تەقەمەنی لە بازاڕی رەش.. ئینجا بێیت و بە هەموو توانایەك رۆشنایی بخەیتە سەر پانتۆڵێكی تەسك یان تەنورەیەكی كورت.. یان ماچێك لە تابلۆیەكی ریكلامكردن و هیچی تر نەبینیت!!
ئیمزا
روناكبیری مەغریبی / سەعید ناشید

‌ 2189 جار بینراوه‌
4/22/2017 11:36:53 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved